رۆژنامهڤان شیڤا گهردی ل مووسلێ شههید بوو
WAAR-دهۆك:
ئهڤرۆ رۆژنامهڤانا دیار یا كوردستانێ، شیڤا گهردی، ب سهدهما پهقینا بۆمبهكا چاندی، ل مووسلێ شههید بوو.
د راگههاندنهكێ دا كهنالێ رووداوێ، نووچهیێ شههیدبوونا شیڤا گهردی، پهیامنێر و بێژهرا نووچهیێن سیاسی یا وی كهنالی بهلاڤ كر و ئاماژه كر كو شیڤا گهردی، د دهما رۆمالا شهڕێ مووسلێ دا، ب سهدهما پهقینا بۆمبهیهكا چاندی، شههید بوویه و وێنهگرێ د گهل دا ژی بریندار بوویه.
شیڤا زكری ئیبراهیم كو ب شیڤا گهردی بهرنیاس بوو، ژ دایكبوویا سالا 1986ێ یه و ل سالا 2006 دهست ب كارێ رۆژنامهڤانیێ كرییه و دهرچوویا پشكا راگههاندنێ بوو ل زانینگهها سهلاحهددینێ و ئێك ژ رۆژنامهڤانێن دیار یێن كوردستانێ بوو و ل چهندین سازیێن راگههاندنێ یێن كوردستانێ كار كرییه.
تُتاح هذه الصورة أيضا في: کوردی