ههرێم دێ ریفراندۆمێ دگهل كونسل و نوونهرێن وهلاتان بهحس كهت
WAAR-دهۆك:
بریاره ئهڤرۆ شاندا ههڤپشكا پارتی دیمۆكراتی كوردستان و ئێكهتییا نشتیمانی، دگهل كونسول و نوونهرێن وهلاتێن بیانی ل ههولێرێ كۆمببن و ریفراندۆم و سهرخوهبوونا ههرێمێ دگهل دا، بهحس بكهت.
ل گۆری زانیاریێن وار، ئهڤرۆ شاندا ههڤپشكا پارتی و ئێكهتی كو بهریا نها، ل دۆر بابهتێ ریفراندۆم و سهرخوهبوونا كوردستانێ سهرهدانا ژمارهیهكا ئالییێن سیاسی كرییه، ئهڤرۆ ب پشكدارییا شاندهكا بلندا حكومهتا ههرێمێ، دێ ل هولا سهعد عهبدوللا ل ههولێرێ، دگهل كونسول و نوونهرێن وهلاتێن بیانی ل ههولێرێ كۆمببن و ههمان بابهت دگهل دا گۆتوبێژ كهن.
ئهڤه د دهمهكی دایه كو د داوی كۆمبوونا مهكتهبێن سیاسی یێن پارتی و ئێكهتیێ دا كو ههفتیا بۆری ل پیرمامێ هاتبوو كرن، بریار هاتبوو دان كو د ئهڤ ساله دا، ریفراندۆم بۆ سهرخوهبوونا كوردستانێ بهێته كرن و دو شاندێن ههڤپشك ژی، بۆ كاركرنێ ل سهر وێ پرسێ هاتبوون پێكئینان.
تُتاح هذه الصورة أيضا في: کوردی