سوپايێ ئهمریكا: زێدهتر ژ 100 مهدهنی ل بوردۆمانهكا ئاسمانیدا ل موسلێ هاتنه كوشتن
خهندان-
لێكۆڵینهوهیهكی سهربازیی ویلایهتهیهكگرتووهكانی ئهمهریكا دانی بهوهدانا زیاتر له 100 هاوڵاتی مهدهنی لهبۆردومانێكی ئاسمانی ویلایهتهیهكگرتوهكانی ئهمهریكا بۆ سهر بینایهك لهشاری موسڵ لهمیانهی ئۆپهراسیۆنهكانی دژی داعشدا كوژراون.
لێكۆڵینهوهكه بهو دهرئهنجامه گهیشتووه بۆردومانێكی ئاسمانی ئهمهریكا لهگهڕهكی (ئهلجهدیده) “بهرێكهوت “بووهتههۆی تهقینهوهی چهك وتهقهمهنیهكان كه داعش لهناو بینایهكدا دایناون و بههۆیهوه بیناكه ههرهسی هێناوه.
ماسیو لسلهر عهمیدی هێزی ئاسمانی ئهمهریكا كه سهرپهرشتی لێكۆڵینهوهكهی كردووه بهرۆژنامهنوسانی راگهیاند بۆردومانهكهی 17ی ئازار بهئامانجی لهناوبردنی دوو قهناس بهدهستی داعش بووه .
راشیگهیاند 101 هاوڵاتی مهدهنی كه لهناو بیناكهدا بوون كوژراوون، چوار هاوڵاتی لهنزیكی بۆردومانهكه كوژراون ، تا ئێستا چارهنوسی 36 كهسیش نادیاره.
رۆژی 17ی تشرینی دووەمی 2016 هێزەكانی پێشمەرگە و سوپای عێراق و بەپشتیوانی هێرشی ئاسمانی هاوپەیمانی نێودەوڵەتی دژ بەداعش بەڕابەرایەتی ویلایەتە یەكگرتووەكانی ئەمەریكا قۆناغی یەكەمی ئۆپەراسیۆنی كۆنترۆڵكردنەوەی موسڵ-یان دەستپێكرد.
دوای تێپەڕبوونی 100 رۆژ بەسەر دەستپێكردنی ئۆپەراسیۆنەكەدا، تەواوی خۆرهەڵاتی موسڵ لەچەكدارانی داعش پاككرایەوە.
19ی شوباتی ئەمساڵیش، قۆناغی دووەمی ئۆپەراسیۆنی رزگاركردنی موسڵ دەستیپێكرد، هێزەكانی پۆلیسی فیدراڵی و یەكەكانی بژاردەی وەزارەتی ناوخۆ بەرەوپێشچوونی بەرچاویان لەبەشی راستی موسڵ بەدەستهێناوە.
بەگوێرەی ئامارەكانی نەتەوەیەكگرتووەكان، لەئۆپەراسیۆنی موسڵدا هەشت هەزار، هاوڵاتی مەدەنی كوژراون و برینداربوون، ئەو ژمارەیەش تەنها ئەو كەسانە دەگرێتەوە كە رەوانەی نەخۆشخانەكان كراون.
هەرچەندە عێراق تائێستا هیچ ئامارێكی شەڕی موسڵ-ی بڵاونەكردووەتەوە، بەڵام مانگی ئاداری ئەمساڵ، ژەنەڕاڵێكی ئەمەریكی رایگەیاند تا ئەوكات 774 سەربازی عیراقی كوژراون وچوار هەزار و 600 ی تریش برینداربوون.
تُتاح هذه الصورة أيضا في: کوردی