مووسل.. بەرخوەکرنا خێلی ھات قەدەغەکرن
WAAR-دهۆك:
پۆلیسێن نەینەوایێ د بریارەکا نوو دا، بەرخوەکرنا خێلی ل سەر ئاکنجیێن باژارێ مووسلێ قەدەغەکر، ئامەژکرییە ئەڤ بریارە ژبو پاراستنا ئێمناھییا خەلکێ وێ یە.
ل گۆری مالپەرێ سکای نیۆز، عەمید واسق حەمدانێ فەرماندارێ پۆلیسێن نەینەوایێ دیارکر، بەرخوەکرنا خێلی ل ناڤا بازار و سازیێن حکومەتێ قەدەغەیە، دوپاتکر ئەڤ بریارە ژ بەر مەترسییا ھەبوونا شانەیێن گرێدایی رێکخستنا داعشێ، کو ب بەرخوەکرنا خێلی و جلێن ژنان کریارێن تیرۆرستی ئەنجام بدەن.
فەرماندارێ پۆلیسێن نەینەوا ھاتوچوویا ماتۆرسکلان ژی ژ دەمژمێر شەشی ئێڤاری وێڤە قەدەەغەکر و خودانێن دکانێن موبایلان ژی ھایدار کرن، کو بێ ناسنامەیەکا فەرمی، نابیت سیمکارتێن مۆبایل بفرۆشن.
تُتاح هذه الصورة أيضا في: کوردی