بارزانی: گهلێ كوردستانێ بهرهڤ سهرخوهبوون و مسوگهركرنا مافێن خوه دچیت
WAAR-دهۆك:
سهرۆكێ ههرێما كوردستانێ راگههاند؛ بۆ رێگریكرنێ ل شهڕ و كێشهیان، گهلێ كوردستانێ ب رێیێن ئاشتیانه بهرهڤ سهرخوهبوون و مسوگهركرنا مافێن خوه دچیت.
ئهڤرۆ مهسعوود بارزانی سهرۆكێ ههرێما كوردستانێ، دگهل دۆگلاس سیلمان بالیۆزێ ئهمریكا ل ئیراقێ و شاندهكا دگهل دا كۆمبوو و شاندا ئهمریكی، پهسنا رۆلێ سهرۆك بارزانی و هێزێن پێشمهرگهی د شهڕێ دژی داعشێ دا كر و هاریكاری و پشتهڤانییا وهلاتێ خوه بۆ پێشمهرگه و ههرێما كوردستانێ دوپاتكر.
ههروهسا باس ل ههماههنگییا دناڤبهرا هێزێن پێشمهرگهی و سوپایی ئیراقێ د شهڕێ رزگاركرنا مووسلێ دا كر و بهحس ل وان دلگرانییان هاته كرن كو ژبهر بنپێكرنا رێككهڤتنێن سهربازی دروستبووین و رهنگه د پاشهرۆژێ دا ببنه ئهگهرێ سهرهلدانا كێشهیێن مهزنتر.
ژ ئالیێ خوه ڤه سهرۆكێ ههرێما كوردستانێ دهربارهیی مووسلێ گۆت: ب ههماههنگییا پێشمهرگه و سوپایی و ب هاریكارییا ههڤپهیمانان، داعش نزیكی ژ ناڤچوونێ ل مووسلێ دبیت، لێ ئهڤه رامانا ژناڤچوونا تیرۆر و داعشێ نینه، بهلكو پێدڤییه ئهگهرێن سهرهلدانا تیرۆرێ بهێنه ژناڤبرن و پێكهاتهیێن وی باژاری ب ئازادانه بژین، بۆ ڤێ یهكێ ژی دوپاتی ل رێككهڤتنهكا سیاسی بۆ وی باژاری كر.
سهرۆكایهتییا ههرێمێ دایه زانین كو سهرۆك بارزانی و بالیۆزێ ئهمریكا، ب تێروتهسهلی باسێ ریفراندۆم و بریارا چارهنڤیسی یا گهلێ كورد كرییه و بارزانی دوپاتكرییه كو گهلێ كوردستانێ ب دیالۆگ و رێیێن ئاشتیێ، بهرهڤ سهرخوهبوون و مسوگهركرنا مافێن خوه دچیت، بالیۆزێ ئهمریكا ژی هیڤی خواست ئهڤ بابهته ب ئاشتیانه و دیالۆگ دناڤبهرا ههرێم و بهغدایێ دا چارهببیت.
تُتاح هذه الصورة أيضا في: کوردی