بارزانی: رێفراندۆم نابیته گهف لسهر چ ئالییهكی
WAAR-دهۆك:
سهرۆكێ ههرێما كوردستانێ رادگههینیت؛ رێفراندۆما سهرخوهبوونا ههرێما كوردستانێ نابیته گهف ل سهر چ ئالییهكی، بهلكو مانا رهوشێ ب ئاوایێ نها دێ گهفهكا مهزن دروستكهت.
ئاژانسا كۆنا یا كوێتی ژ زارێ مهسعوود بارزانی سهرۆكێ ههرێما كوردستانێ ڤهگوهاستییه؛ رێفراندۆما چاڤهڕێكرییا ههرێما كوردستانێ نابیته گهف ل سهر چ ئالییهكی، بهلكو گهر رهوش ب ئاوایێ نها بمینیت، دێ گهفهكهكا مهزن ژێ دروست بیت و گۆت: رێفراندۆم ژبۆ پاراستنا گهلێ كوردستانێ یه ژ دوبارهبوونا ههر كارهساتهكێ.
بارزانی گۆت: دژاتییا ههر یهك ژ توركیا و ئیرانێ بۆ رێفراندۆمێ بۆ وێ یهكێ دزڤڕیت كو وان ترس ژ گهلێ كورد ل وهلاتێن خوه ههنه.
بارزانی دوپات كرییه، كوردستان دێ بیته فاكتهرێ ئارامیێ، پهیوهندیێن وێ یێن سیاسی و ئابۆری ژی دێ دگهل دهڤهرێ بهێز بن.
دهربارهی ههلوهستێ ئهمریكا ژی بارزانی دوپات كر كو ئهمریكا دژاتییا رێفراندۆمێ نهكرییه، بهلكو تنێ گۆتیه كو دهم نه یێ گونجایه.
سهرۆكێ ههرێما كوردستانێ ئاماژه كرییه كو رێفراندۆم بڕیارا گهلێ كوردستانێ یه و ئهو بڕیار ل سهر ههموو پرسهكێ دهێت و ئهو ب چ ئاوایهكی و ل بن چ فشارهكێ دهست ژ رێفراندۆمێ بهرنادهن و گۆت: ئهزمۆنێن بهری نها سهلماندینه كو دڤێت ههرێما كوردستان و ئیراق دو جیرانێن باش بن داكو چ گرفتێن مهزنتر روونهدهن.
تُتاح هذه الصورة أيضا في: کوردی