پارتی: گۆڕان نه‌هێته پێش دێ مه‌زنترین په‌رله‌مانتار روونشتنێ برێڤه‌به‌ت
WAAR-دهۆك:
سه‌رۆكێ فراكسیۆنا پارتی ل په‌رله‌مانێ كوردستانێ راگه‌هاند؛ ته‌ڤگه‌را گۆڕان نه‌هێته پێش، مه‌زنترین په‌رله‌مانتار دێ روونشتنێ برێڤه‌به‌ت.
ئومێد خوشناو سه‌رۆكێ فراكسیۆنا پارتی گۆت: پارتی بزاڤێن خوه رژد كرینه و دخوازیت هه‌موو ئالیێن سیاسی پشكداری كاراكرنا په‌ڕله‌مانی ببن، لێ د حاله‌تێ نه‌هاتنه پێش یا گۆڕان و كۆمه‌لێ دا، په‌رله‌مان دێ هه‌ر هێته كاراكرن و كارێ خوه‌یێ ئاسایی ده‌ستپێكه‌ت و كاراكرنا په‌رله‌مانی ژی ب تنێ بۆ روونشتنه‌كێ نینه، به‌لكو تا هه‌لبژارتنێن بهێت، دێ كارێ خوه به‌رده‌وام كه‌ت.
گۆت ژی: گه‌ر گۆڕان و كومه‌ل پشكدار نه‌بن، پارتی و ئێكه‌تی و یه‌كگرتوو، دێ سه‌رۆكاتییا په‌ڕله‌مانی پێكئینن و مه‌زنترین په‌رله‌مانتار دێ سه‌رۆكاتییا ئێكه‌م روونشتن كه‌ت.
تُتاح هذه الصورة أيضا في: کوردی