ئێكهتیا ماموستایان چهند بریار و راسپاردیێن نوى دهرئێخستن
میدیا دهوك_
سكرتاریهتیا ئێكهتیا ماموستایان ل باژێرێ كهركوكێ كومبوونهكا كرنگ ئهنجام دا و چهند بریار وراسپاردهیێن نوى دهرئێخستن .
ئهحمهد گهرمیانى سهروكێ ئێكهتیا ماموستایان راگههاندیه،دكومبوونا ئێكهتیا ماموستایان چهند بریار و راسپاردهیێن نوى هاتینه دهرئێخستن ، ئهڤێن خوارێ ژى چهند بریار و راسپاردێن نوى نه .
1_بهرى 1_10 ئهگهر حوكمهتا ههرێمێ چ ئاماژه ژبو خوشكرنا ژیانا ماموستایان نهكرن ، مهكتهبا سكرتاریهتا ئێكهتیا ماموستایان دێ خرڤهبوونهكا نهرازیبوونێ ل بهرامبهر ئاڤاهیێ ئهنجومهنێ وهزیران رێك ئێخیت .
2_ریفراندوم پروسهیهكا نیشتیمانى ونهتهوهیى یه دڤێت كار ژبوو سهركهفتنا ڤێ پروسێ بهێتهكرن و داخوازێ ژههمى لایهنێن سیاسى دكهین ئێك رێز بن بهرامبهر ڤێ پرسێ ودڤێت پهرلهمان ژى بهێته كاراكرن .
3_بهیانامهیهك بهێته دهرئێخستن ب ههلكهفتا هاتنا سالا نوى یا خواندنێ 2017_2018و ئهڤان بابهتان ل خوه بگریت .أ_ باشكرنا ژیانا ماموستایان و نههێلانا سیستهمێ پاشكهفتێ ب_ رهخساندنا شیانێن دارایى یێن پێتڤى بو ههردوو وهزارهتێن پهروهردێ و خواندنا بلند ج_گرنكى دان ب خواندنا پیشهیى د_ ل دهمهكێ گونجایى ههلبژاردنێن ئێكهتیا ماموستایان بهێنه ئهنجام دان .
5_ راسپاردنا لقێن ئێكهتیا ماموستایان دهربارێ قوتابخانه و خواندگههێن ئههلى و دگهل وان كومبوون بهێنه ئهنجام دان و بیربوچوون و پێشنیارێن وان بهێنه وهرگرتن .
6_ راگههاندنهك دهربارێ روودانا باژێرێ مهندهلى بهێته دهرئێخستن
7_ راگههاندنهك دهربارێ دهستهسهركرنا ماموستایان ل روههلاتێ كوردستانێ بهێته دهرئێخستن .
8_ راگههاندنهك دهربارێ كوشتنا بوسلمانان ل باژێری بورما بهێته دهرئێخستن .
تُتاح هذه الصورة أيضا في: کوردی