جڤاتا وهزیران جهژنا ژ دایكبوونا حهزرهتێ مهسیح پیرۆز كر
WAAR-دهۆك:
جڤاتا وهزیرێن ههرێما كوردستانێ، جهژنا ژ دایكبوونا حهزرهتێ مهسیح ل ههموو كرستیانێن كوردستانێ و جیهانێ پیرۆز كر و هیڤی خواستن د جهژنێن بهێت دا، ههموو ئاوارهیێن كرستیان ڤهگهرنه سهر مالێن خوه.
د پهیامهكێ دا، جڤاتا وهزیران دیاركرییه، جهژنا ئهڤ ساله د دهمهكی دایه كو هێشتا ب سهدان خوشك و برایێن كرستیان دگهل پێكهاتهیێن ئۆلی و نهتهوهیی یێن دی ل ههرێمێ د ئاوارهنه كو ژ ئهنجامێ تیرۆر و تۆندكاریێن رێكخستنا تیرۆری یا داعشێ مالێن خوه هێلاینه و پاشان پشتی روودانێن 16ی ئكتوبهرێ ژی، وان باوهری و پشتراستی نهمایه ڤهگهرنه سهر جهێن خوه.
دایه زانین ژی كو كرستیان پێكهاتهیهكا دیرۆكی و دێرینن ژ جڤاكێ ههمهرهنگ و زهنگین یێ كوردستانێ و هزارهها ساله ب ههڤرا ههموو پێكهاته دژین و بهرگری ژ ئاخا خوه كرینه .
تُتاح هذه الصورة أيضا في: کوردی