خسرۆ گۆران: پارتی دێ ل نەینەوا و شنگالێ پشکداریێ د ھەلبژارتنان دا کەت
WAAR-دهۆك:
بەرپرسێ دەزگایێ ھەلبژارتنان یێ پارتی راگەھاند، ل سنۆرێ پارێزگەھا نەینەوا پارتی دێ پشکدارێ د ھەلبژارتنێن ئیراقێ دا کەت، دوپاتکر بریارا بایکۆتکرنێ تنێ بۆ ھەردو پارێزگەھێن کەرکووک و سەلاحەددینە.
خسرۆ گۆران بەرپرسێ دەزگایێ ھەلبژارتنێن پارتییا دیموکراتا کوردستانێ بۆ مالپەرێ فەرمیێ حزبا خوە گۆت: بریارا پارتی یا بایکۆتکرنا ھەلبژارتنان، تنێ بۆ سنۆرێ ھەردو پارێزگەھێن کەرکووک و سەلاحەددینە و دا زانین، ل سنۆرێ پارێزگەھا نەینەوا، دەڤەردارییا شنگال و مەخموورێ دێ پشکداریێ د ھەلبژارتنێن ئیراقێ دا کەن.
سەرباری کو ژڤانێ ھەلبژارنێن ئیراقێ ل دوازدەیی گۆلانا ئەڤ سالە ھاتییە دەستنیشانکرن، لێ ژمارەیەکا ئالیێن سیاسی بزاڤا وێ چەندێ دکەن ھەلبژارتن بهێن پاشخستن.
تُتاح هذه الصورة أيضا في: کوردی