پڕۆژێ لۆگۆيێ تهكسيێن كوردستانێ دێ ئێته بجهئينان
وشه:
بەڕێوەبەرایەتی گشتیی گواستنەوەی هەولێر بە هاوئاهەنگی تەواوی بەڕێوەبەرایەتییەكانی تری شار و شارۆكەكانی هەرێمی كوردستان سەرقاڵی ئامادەكردن و جێبەبەجێ كردنی پڕۆژەی لۆگۆی تەكسییە بۆ ئەوەی تەكسیی ناو شارەكان و ئەوانەیشی لە هێڵەكانی دەرەوە كار دەكەن لە یەكتر جیا بكرێنەوە.
ئەمڕۆ چوارشەم 17ی كانوونی دووەم، بەپێی ڕاگەیەنراوێكی بەرێوەبەرایەتی گشتیی گواستنەوەی هەولێر ئەمڕۆ كۆبوونەوەك لەنێوان بەڕێوەبەرایەتییەكانی گواستنەوەی شار و شارۆكەكانی هەرێمی كوردستان، بە مەبەستی جێبەجێ كردنی پڕۆژەی لۆگۆی تاكسی، ئەنجام دراوە.
لە راگەیەنراوەكەدا ڕوون كراوەتەوە، پڕۆژەی لۆگۆ و شریتی تاكسی هەرێمی كوردستان، كە ئێستە لە قۆناغی تەواو بوندایە تاكسی هەر شارێك لۆگۆ و شریتی تایبەت بە خۆی دەبێت تا بتوانرێت بەشێوەیەكی دروست كارەكانیان لە خزمەتی هاووڵاتییان بێت.
لە راگەیەنراوەكەدا ئاماژە بەوەیش كراوە، ئێستە تێكەڵییەك لە كاری تاكسی هەیە و تاكسی ناو شار و هێڵی نێوان شارەكان جیا ناكرێتەوە بۆیە لە ڕێگەی ئەو لۆگۆ و شریتەوە تاكسییەكان جیا دەكرێنەوە.
بەڕێوەبەرایەتی گشتیی گواستنەوەی هەولێر هیچ وادەیەكی دیاری نەكردووە بۆ جێبەجێكردنی پڕۆژەی لۆگۆ و شریتی تاكسی، بەڵام ئاماژەیان بەوە كردووە لە ساڵی ڕابردووەوە سەرقاڵی ئامادەكردنی ئەو پڕۆژەیەن.
ئێستە تاكسییەكانی هەرێمی كوردستان سەرجەمیان یەك ڕەنگ و یەك جۆر لۆگۆیان پێوەیە، بە جێبەجێكردنی ئەو پڕۆژەیە لۆگۆی تاكسییەكان جۆراوجۆر دەبێت و لە یەكتر جیا دەكرێتەوە.
تُتاح هذه الصورة أيضا في: کوردی