سوبە دێ جڤاتا سەرکرداتییا ئێکەتیێ کۆم بیت
WAAR-دهۆک:
بریارە سوبە جڤاتا سەرکرداتییا ئێکەتیێ ب سەرپەرشتییا کوسرەت رەسوول عەلی کۆم ببیت و بریارێ ل سەر ژڤانێ کۆنگرەیی بدەن.
ل گۆرەیی زانیاریێن وار، سوبە رۆژا شەمبییێ دێ جڤاتا سەرکرداتییا ئێکەتییا نشتیمانی یا کوردستانێ ب سەرپەرشتییا کوسرەت رەسوول عەلی، جێگرێ ئێکێ یێ سکرتێرێ گشتی یێ ئێکەتیێ کۆمببیت و ئەجێندایا کۆمبوونێ ژی، دیارکرنا رۆژا کۆنگرەیێ گشتی یێ وێ حزبێ یە.
ھەروەسا بریارە د کۆمبوونێ دا ھەلبژارتنێن ئەڤسالە یێن ھەرێما کوردستانێ و ئیراقێ بھێنە گۆتوبێژکرن.
پشتی نەخوشبوونا کوسرەت رەسوولی و ڤەگەریانا وی ژ وەلاتێ ئەلمانییا، ئەڤە ئێکەم کۆمبوونا جڤاتا سەرکرداتییا ئێکەتیێ یە.
پێشتر ھێرۆ ئیبراھیم ئەحمەد ھەڤژینا سکرتێرێ گشتی و ئەنداما مەکتەبا سیاسی یا ئێکەتیێ راگەھاندبوو، کۆنگرەیێ ئێکەتیێ دێ ل دوماھییا مەھا ئادارێ ھێتە کرن.
تُتاح هذه الصورة أيضا في: کوردی