كۆمسیۆنا هه‌رێمێ دێ ئه‌نجامێ پاقژكرنا تۆمارا ده‌نگده‌را راگه‌هینیت
WAAR-دهۆک:
بریاره د چه‌ند رۆژێن بهێت دا كۆمسیۆنا سه‌ربه‌خوه‌یا هه‌لبژارتن و راپرسیێن هه‌رێما كوردستانێ، ئه‌نجامێن پرۆسه‌یا پاقژكرنا تۆمارا ده‌نگده‌رێن هه‌رێمێ رابگه‌هینیت.
دكتور جوتیار ئاكره‌یی ئه‌ندامێ جڤاتا كۆمسیارێن هه‌رێمێ راگه‌هاند؛ ئه‌نجامێ پرۆسه‌یا پاقژكرنا تۆمارا ده‌نگده‌را گه‌هشتییه قۆناغا داویێ و ب ره‌نگه‌كییه كو دێ جهێ رازیبوونا هه‌موو ئالیێن سیاسی بیت، ژبه‌ركو هۆربینییه‌كا باش تێدا هاتییه كرن.
گۆت ژی: تا نها سه‌رژمێرییا گشتی ل هه‌رێمێ نه‌هاتییه كرن، له‌و تا نها پشتبه‌ستن ل سه‌ر ئامارێن وه‌زاره‌تا بازرگانی و پلێتا ئاهێن خوارنێ دهێته كرن.
دا زانین ژی: راگه‌هاندنا ئه‌نجامان دێ ب ئاماده‌بوونا نوونه‌رێن هه‌موو ئالییێن سیاسی و میدیایان بیت، داكو هه‌موو ئالی ژ شه‌فافیه‌تا برێڤه‌برنا پرۆسێ د هایدار بن.
تُتاح هذه الصورة أيضا في: کوردی