یۆنسێف: زارۆیێن عەفرینێ د رەوشەکا خراب دانە
WAAR-دهۆك:
رێکخستنا یۆنسێفێ د بەیانەکێ دا ھوشداری ژ رەوشا زارۆیێن سووریێ دان و راگەھاند؛ پێدڤییە ب لەز ھێڕش بھێن راگرتن و ھاریکاریێن مرۆڤی بگەھن وان دەڤەران.
ریکخستنا پاراستنا مافێن زارۆیان یا سەر ب نەتەوین ئێکگرتی ڤە یۆنسێفێ، د بەیانەکێ دا راگەھاندییه؛ ژ ئەگەرا ھێڕشێن بەردەوامێن فرۆکەیێن رژێما سووریێ و ئالیگرێن وێ ل غووتە، ھەروەسا فرۆکەیێن تورکیا ل سەر عەفرینێ رەوشا مرۆڤی گەلەک خرابه، و گەلەک زارۆ دبنە قوربانی.
ئاماژە کرییە. پشتی فرۆکەیێن تورکیا ژێدەرێن ئاڤێ کرینە ئارمانج، ترس لسەر بەلاڤبوونا نەخۆشییان ل وان دەڤەرا زێدە بوویە، و نھا نێزیکی دو سەد و پێنجی سڤیلان گەفا توشبوونا نەخۆشیێن جودا ل سەر ھەیە.
ھەروەسا د بەیانا یۆنسێفێ دا ھاتییە: ھەژمارەکا مەزن یا سڤیلان ژ ترسا بۆمبەبارانان ژ عەفرینێ رەوانەى حەلەبێ بووینە و پێدڤی ب ھاریکارییان ھەنە، لێ ھێڕشان کاریگەری ل سەر گەھاندنا ھاریکارییان کرییە و ئەو نەشێن ل گۆری پێدڤیێ ھاریکارییان بگەھینن دەست وان سڤیلان.
تُتاح هذه الصورة أيضا في: کوردی