شاندێن فهتح و دهولهتا قانوونێ دێ دگهل پارتی و ئێكهتیێ كۆمبن
WAAR-دهۆك:
شەندێن ھەڤپەیمانییا فەتح یا ھادی عامری و دەولەتا قانوونێ یا نووری مالکی ل ھەولێرێ نە و دێ د گەل مەکتەبا سیاسی یا پارتی و سەرۆک بارزانی و ئێکەتییێ دا کۆم ببن.
دوھـ شەڤێ شاندەکا ھەڤپەیمانییا فەتح یا ھادی عامری، ب سەرۆکاتییا ئەحمەد ئەلئەسەدی و ھەروەسا شاندەکا دەولەتا قانوونێ یا نووری مالکی گەھشتن ھەولێرێ کر و سەرەدانا وان شاندان دێ 2 رۆژان ڤەبکێشیت.
ل گۆری ئاگاھییێن پەیامنێرێ وار ل ھەولێرێ؛ شاندێن ھەڤپەیمانییا فەتح و دەولەتا قانوونێ دێ پشتی ل سەعەت ئیکی پشتی نیڤۆر ژ بۆ دانوستاندنێ ل سەر پێکئینانا حکومەتا بھێت یا ئیراقێ د گەل مەکتەبا سیاسی یا پارتییا دیمۆکرات یا کوردستانێ دا کۆم ببیت و پشتی سەعەت 2 ژی د گەل سەرۆک مەسعوود بارزانی دا.
ژ ئالییەکێ دی ڤە سەعدی ئەحمەد پیرە، پەیڤدارێ ئێکەتییا نشتیمانی یا کوردستانێ دیار کر کو شاندێن ھەڤپەیمانییا فەتح و دەولەتا قانوونێ دێ د گەل ئێکەتییێ ژی دا کۆم ببن، لێ ژڤانێ کۆمبوونێ دیار نەکر و دیار ژی نینە کا ئەو شاندە دێ د گەل ئالییێن دی یێن ھەرێمی دا کۆم ببن یان نە.
تُتاح هذه الصورة أيضا في: کوردی