وەزارەتا دارایی لژنەیەك بۆ پرۆژە بودجا 2019ێ پێکئينا
رووداو-هەولێر
بە مەبەستی ئامادەکردنی پڕۆژەبودجەی ساڵی 2019 وەزارەتی دارایی حکومەتی هەرێمی کوردستان لیژنەیەکی بۆ گفتوگۆکردن لەگەڵ وەزارەتەکان پێکهێنا.
زاگرۆس فەتاح، بەڕێوەبەری پەرەپێدان و رێكخستنی وەزارەتی پلاندانانی حكومەتی هەرێمی كوردستان بە تۆڕی میدیایی رووداوی راگەیاند، بە مەبەستی ئامادەکردنی پڕۆژەبودجەی ساڵی 2019، وەزارەتی دارایی لیژنەیەکی پێکهێناوە بۆ گفتوگۆکردن لەگەڵ وەزارەتەکان و نووسراویشی بۆ سەرجەم وەزارەتەکان کردووە بۆ ئەوەی وردەکاری داهاتی خۆیان بنووسن.
زاگرۆس فەتاح گوتی: “نووسراوێکی تایبەتیش ئاراستەی وەزارەتی سامانەسرووشتییەکان کراوە بۆ ئەوەی داهاتی پێشبینیکراوی خۆی بۆ ساڵی 2019 بنووسێتەوە و بیداتە وەزارەتی دارایی”.
بەڕێوەبەری پەرەپێدان و رێكخستنی وەزارەتی پلاندانان ئاماژەی بەوەشکرد، لە پڕۆژەی 2019 دا هەوڵدەدرێت بڕێکی بەرچاو بۆ تەواوکردنی پڕۆژە خزمەتگوزارییەکان دابینبکرێت کە نزیکەی 2500 پڕۆژەی تەواونەکراون.
تُتاح هذه الصورة أيضا في: کوردی