پارتی دێ وهزارهتهكا دی ل بهغدا وهرگرت
WAAR-دهۆك:
بریاره ئهڤرۆ پهرلهمانێ ئیراقێ باوهرییێ بدهته ژمارهكا وهزیرێن مایی و ل گۆرهیی زانیارییان، پارتی د گهل ئالیێن ئیراقی رێككهفتییه و نهوزاد هادی دێ وهزارهتا كۆچ و كۆچبهران وهرگریت.
سهلاح بامهرنی پهیامنێری وار ل بهغدا راگههاند؛ ژ ههشت وهزارهتێن ماین، ئێك بههرا كوردانه و ههر یهك ژ پارتی دیموكراتی كوردستان و ئێكهتییا نشتیمانی، بزاڤا بدهستخستنا وێ وهزارهتێ دكر، لێ پارتی د گهل ئالیێن ئیراقی رێككهفتییه و نهوزاد هادی بهربژارێ پارتی، دێ وهزارهتا كۆچ و كۆچبهران وهرگریت.
نهوزاد هادی، دهمێ چارده سالانه پارێزگارێ ههولێرێ و ل سهر دهمێ دهستههلاتا وی، ههولێرێ پێشڤهچوونهكا مهزن یا ئاڤهدانیێ بخوهڤه دیتییه.
د كۆمبوونا خوه یا بووری دا، پهڕلهمانێ ئیراقێ باوهری دابوو چارده وهزیرێن حكومهتا عادل عهبدولمههدی و بهربژارێن ههشت وهزارهتان مابوون، كو دهنگ ل سهر بهێته دان.
تُتاح هذه الصورة أيضا في: کوردی