فرەنسا: سەقامگیریا ئیراقێ گرێدای پشکداریا کوردانە د حکومەتێ دا
WAAR-دهۆك:
ھنارتیێ فرەنسا ل جڤاتا ئاساییشا ناڤدەولەتی راگەھاند؛ سەقامگیریا ئیراقێ گرێدای پشکدارییا کوردانە د پرۆسەیا سیاسییا وی وەلاتی دا.
فرانسوا دیلاتێر، د روونشتنا جڤاتا ئاساییشێ دا ل دۆر ئاڤەدانکرنا ئیراقێ راگەھاند؛ ئیراق وەلاتەکێ ب ھێز و سەقامگیرە، ئەو دێ بەردەوام ھاریکاریا وان د وارێ ئاڤەدانکرنێ دا کەن، لێ گەر ئیراق کەفتە خەفکا ئالۆزیێن ھەرێمی دەلیڤا ئاڤەدانکرنێ نامینیت.
دیلاتێر گۆت ژی: سەرکەفتنا ھەلبژارتنێن پەرلەمانێ ئیراقێ ئەو یەک دیار کرییە کو ئیراق دشێت زوو پرسگرێن خوە چارە بکەت.
ھنارتیێ فرەنسا ل جڤاتا ئاساییشا ناڤدەولەتی ھیڤیی خواستن زوو کابینەیا حکومەتا ئیراقێ بھێت تەمامکرن و گۆت: سەقامگیریا ئیراقێ گرێدای پشکدارییا کوردانە د پرۆسەیا سیاسی دا.
تُتاح هذه الصورة أيضا في: کوردی