پارتی دێ دانوستاندنێن پێكئینانا حكومه‌تێ ده‌ستپێكه‌ت
WAAR-دهۆك:
شاندێ پارتی بۆ دانوستاندنێن پێكئینانا حكومه‌تێ ل حه‌فتییا بهێت دێ ده‌ست ب سه‌ره‌دانێن خوه كه‌ت و ئێكه‌م وه‌ستگه‌هـ دێ دگه‌ل ئێكه‌تییا نیشتیمانی و ته‌ڤگه‌را گۆرانێ بیت.
له‌میا ره‌سوول په‌یامنێرا وار ل سلێمانیێ دیاركر، شانده‌كێ پارتی دیمۆكراتی كوردستان دێ ل رۆژا دوشه‌مبا بهێت گه‌هیته سلێمانیێ و گۆتوبێژێن پێكئینانا حكومه‌تێ دگه‌ل ئێكه‌تییا نیشتیمانی و ته‌ڤگه‌را گۆرانێ ده‌ست پێ كه‌ت.
دیار ژی كر، ئه‌و سه‌ره‌دان دێ ژبۆ ب فه‌رمی ده‌ستپێكرنا گۆتوبێژێن پێكئینانا كابینه‌یا نه‌هێ یا حكومه‌تا هه‌رێما كوردستانێ یه.
شاندێ پارتی پێشتر سه‌ره‌دانا سلێمانیێ كربوو و چه‌ندین كۆمبوونێن راوێژكاری دگه‌ل ئێكه‌تیێ و گۆرانێ كرینه.
پارتی دیمۆكراتی كوردستان ل ڤێ حه‌فتیێ مه‌سروور بارزانی بۆ پێكئینانا حكومه‌تا هه‌رێمێ به‌ربژار كر و راگه‌هاندبوو، گۆتوبێژێن پێكئینانا حكومه‌تێ ژی ل ده‌مه‌كێ نێزیك دێ ده‌ست پێ كه‌ن.
تُتاح هذه الصورة أيضا في: کوردی