شاندا پارتی سوبه دێ سەرەدانا سلێمانیێ کەت
WAAR-دهۆك:
شاندا دانوستاندکار یا پارتی دیمۆکرات کوردستان دێ سەرەدانا سلێمانیێ کەت و د گەل ئێکەتییا نشتیمانی و تەڤگەرا گۆڕانێ کۆم بیت.
ئەندامەکێ شاندا دانوستاندنکار یا پارتی بۆ وار راگەھاند؛ سوبە رۆژا سێشەمبی شاندا پارتی دێ ل سلێمانیێ ل گەل ئێکەتییا نشتیمانی یا کوردستانێ و تەڤگەرا گۆرانێ کۆم بیت و پرسا پێکئینانا حکومەتا نوو یا ھەرێمێ د گەل دا گۆتوبێژ کەت.
دوھی مەکتەبا سیاسیا پارتی کۆم ببوو و گۆتوبێژا پێکئینانا کابینەیا نەھێ یا حکومەتا ھەرێمێ کر، ھەلسەنگاندنا کۆمبوونێن ل گەل ئێکەتیێ و گۆرانێ ژی کر بوو.
حەفتییا بووری مەکتەبێن سیاسی یێن پارتی و ئێکەتیێ کۆم ببوون و ل سەر چار خالان رێککەفت بوون، ھەردو ئالییان پێداگیری ل سەر پێشڤەبرنا پەیوەندیێن خوە کربوو، ب ھەمان رەنگ ل گەل خانەیا راپەراندنا گۆرانێ ژی کۆم ببوو و ل سەر سێ خالان رێککەفت بوون.
تُتاح هذه الصورة أيضا في: کوردی