نێچیرڤان بارزانی دگهل شاندهكێ سهربازیێ بریتانی كۆم بوو
WAAR-دهۆك:
سهرۆكوهزیرێ ههرێما كوردستانێ دگهل شاندهكێ سهربازیێ بریتانی كۆمبوو، ههماههنگییا ناڤبهرا ههولێر و بهغدایێ و ههڤپهیمانان گۆتوبێژ كرن.
نێچیرڤان بارزانی ل ههولێرێ پێشوازی ل جهنهرال سیر جۆنز لوریمهر مهزنه راوێژكارێ سهربازیێ بریتانیا بۆ رۆژههلاتا ناڤین و نوونهرێ تێرێزا مهی سهرۆكوهزیرا بریتانیا كر، ههروهها جۆن وێلكس بالیۆزێ بریتانیا ل ئیراقێ و مارتن وار كونسلێ وی وهلاتی ل ههرێمێ ئامادهی كۆمبوونێ ببوون.
د كۆمبوونێ دا، كارێ ههڤپشكێ ئێمناهیێ ل ناڤبهرا ههولێرێ، بهغدا و ههڤپهیمانان دا هات گۆتوبێژ كرن، ههروهها چاوانییا جێگیركرنا سهقامگیریێ ل دهڤهرێن رزگاركری.
شاندێ مێهڤان دوپات كر، كارێ وان دگهل ههڤپهیمانییا نێڤدهولهتی لسهر رێكخستن و مۆدرێنكرنا وهزارهتا پێشمهرگهی دێ بهردهوام بیت، سهرۆكێ وهزیران و شاندا بریتانیا بهحسا ههماههنگییا ههولێر و بهغدایێ ژی كر، تایبهت ههماههنگییا پێشمهرگهی و سوپایێ ئیراقێ.
نێچیرڤان بارزانی سوپاسییا بریتانیا ژبۆ هاریكاریكرنا ههرێما كوردستانێ كر، بهرههڤی ژی بۆ ههر ههماههنگییهكا دگهل بهغدا و ههڤپهیمانان ژبۆ رێگرتنێ ل دوباره سهرهلدانا داعشێ نیشان دا.
تُتاح هذه الصورة أيضا في: کوردی