وەزیرێ دەرڤە یێ ئیرانێ سەرەدانا هەرێمێ و بەغدا دکەت
WAAR-دهۆك:
وەزیرێ دەرڤە یێ ئیرانێ، ئەڤرۆ ب سەرۆکاتییا شاندەکا سیاسی و ئابۆری دێ سەرەدانا هەرێما کوردستانێ و ئیراقێ کەت و ل هەرێمێ دێ پشکداری دیدارەکا ئابۆری و بازرگانی بیت.
بالیۆزخانەیا ئیرانێ ل بەغدا د بەیانەکێ دا راگەهاندییه؛ محەمەد جەواد زەریف، ئەڤرۆ رۆژا ئێكشەمبێ دێ ب سەرەدانەکا فەرمی گەهیتە بەغدا و ل سه‌عه‌ت سێی ئێڤاری دێ ل گەل وەزیرێ دەرڤە یێ ئیراقێ کۆم بیت و ل رۆژا دوشەمبێ، دێ ل گەل عادل عەبدولمەهدی، سەرۆکوەزیرێ ئیراقێ و محەمەد حەلبۆسی، سەرۆکێ پەڕلەمانێ ئیراقێ ژی کۆم بیت.
وەزیرێ دەرڤە یێ ئیرانێ رۆژا سێشەمبێ ژی دێ سەرەدانا هەرێما کوردستانێ کەت و ب سەرۆکاتییا شاندەکا ئیرانی کو نوونەرێن ب دەهان کۆمپانیێن ئیرانێ تێدانە، پشکداری دیدارەکا ئابۆری بازرگانی بیت.
تُتاح هذه الصورة أيضا في: کوردی