نێچیرڤان بارزانى و وەزیرێ ناڤخۆ یێ ئیراقێ ئاسایکرنا رەوشا شنگالێ بەحس كر
گاڤ نیوز
سەرۆکێ هەرێما کوردستانێ پێشوازی ل وەزیرێ ناڤخۆ یێ ئیراقێ کر و گاڤێن جێبجێکرنا رێککەفتنا هه‌رێم و به‌غدا یا ئاساییکرنا رەوشا شنگالێ بەحس کرن.
د کۆمبوونا د ناڤبەرا نێچیرڤان بارزانی سەرۆکێ هەرێما کوردستانێ و عوسمان ئەلغانمی وەزیرێ ناڤخۆ یێ حکومەتا فدرالی دا، هەردو ئالیان دووپاتی ل جێبجێکرنا رێککەفتنا شنگالێ کر و هاریکارییا هەڤپشک و هەماهەنگییا د ناڤبەرا پێشمەرگەی و سوپایێ ئیراقێ بۆ بەرسنگرتنا مەترسیێن داعشێ ب گرنگ و پێدڤی زانی.
هەروەسا د کۆمبوونێ دا دویماهی پێشهاتێن ئەمنی و ئەرکێ هێز و سازیێن ئەمنی بۆ پاراستن و ئارامیا باژێران و خوەنیشاندانێن ڤێ دویماهیێ ل چەند پارێزگەهێن ئیراقێ زێدەباری مەترسیا سەرهلدانا تیرۆرێ تەوەرێن دیتر یێن د ناڤبەرا سەرۆکێ هەرێما کوردستانێ و وەزیرێ ناڤخۆ یێ ئیراقێ دا بوون.
تُتاح هذه الصورة أيضا في: کوردی