پەیاما پیرۆزباهیا سەرۆك بارزانی ب ههلكهفتا سەرێ سالا ئاشووريان
باسنيوز:
ئەمڕۆ چوارشەممە سەرۆك مەسعود بارزانی پەیامێكی پیرۆزبایی بە بۆنەی سەری ساڵی بابلی ئاشووری بڵاو كردەوە.
لە پەیامەكەی سەرۆك مەسعود بارزانیدا هاتووە “بە بۆنەی سەری ساڵی نوێی بابلی ئاشووری و جەژنەكانی ئەكیتۆ، گەرمترین پیرۆزبایی خۆم ئاراستەی گەلی كلدان سریان ئاشووری لە كوردستان و عێراق و هەموو جیهان دەكەم، ئومێدی ئەوە دەخوازم، سەری ساڵی تازەی ئاشووری بابلی دەستپێكێكی تازە بێت بۆ كۆتاییهاتنی ئەو ئازار و نەهامەتییانە كە لە ئەنجامی هزری توندڕۆیی و تیرۆر بۆ خوشك و برا كریستیانەكانمان هاتووەتە ئاراوە”.
لە بەشێكی تری پەیامەكەدا هاتووە “لەو بۆنەیەدا ئەوە بۆ خوشك و برایانی كلدان سریان ئاشووری و هەموو پێكهاتەكانی تری كوردستان دووپات دەكەمەوە كە ئێمە هەموومان لەدژی تیرۆر و جیاكاری لە یەك بەرەداین و لە مرۆڤبووندا براین و لە خۆشی و ناخۆشیدا یەك چارەنووسمان هەیە و ، پێویستیشە فەرهەنگی پێكەوەژیان و برایەتیی نێوان هەموو پێكهاتە ئایینی و نەتەوەییەكان پارێزراو بێت و قووڵتر ببێت”.
سەرۆك بارزانی لە كۆتاییشدا نووسیویەتی “هیوادارم هەموو جەژن و بۆنەكان لە ئاشتی و ئارامی و دوور لە پەتا و نەخۆشیدا بكەنەوە”.
تُتاح هذه الصورة أيضا في: کوردی