حكومهتا ههرێمێ 357 ملیار دینار بۆ پڕۆژهیێن ئاڤێ تهرخانكرن
گاڤ نیوز
بۆ پاراستنا ئاڤا ژێرئهرد و كێمكرنا سیستهمێ بهلاڤكرنا ئاڤێ ب تانكهران حكومهتا ههرێمێ نێزیكى 357 ملیار دینار بۆ پڕۆژهیێن ئاڤێ تهرخانكرن
حكومهتا ههرێما كوردستانێ گوژمی نێزیكى 357 ملیار دیناران بۆ پڕۆژهیێن ئاڤێ تهرخانكرن و هندهك ژ وان پڕۆژهیان دێ ل سنۆرێ پارێزگهها دهۆكێ و ئیدارهیا سهربهخۆ یا زاخۆ بن.
ئهڤرۆ فهرمانگهها میدیا و زانیارى یا حكومهتا ههرێما كوردستانێ راگههاند، ل سهر راسپاردا مهسروور بارزانى، سهرۆكێ حكومهتا ههرێما كوردستانێ گوژمێ 356ملیار و 674 ملیۆن و 144 هزار دیناران بۆ پڕۆژهیێن ئاڤێ تهرخانكرن و فهرمانگههێ دیاركریه ژى پڕۆژه دێ ل سهر بودجهیا وهبهرهێنانا وهزارهتا باژێڕڤاى و گهشتوگۆزارێ بن.
حكومهتێ دوپاتكریه، ئهو پڕۆژهیێن د كهڤنه سنۆرێ پارێزگهها دهۆكێ و ئامێدیێ و ئیدارهیا سهربهخۆ یا زاخۆ دێ چاككرنا هێلێن ڤهگوهاستنا ئاڤا ڤهخوارنێ بیتن ههروهسا عهمبارێن پڕۆژهیێن ئاڤێ ژى دێ هێنه چاككرن.
ههروهسا ئاشكراكریه، دیزان و دانانا سیستهمێ پێشكهفتى یێ سكادا و دروستكرنا پڕۆژهیێن ستراتیژى یێن وهستگههێن پارزنیێ و دابینكرنا پێدڤیان بۆ چاككرنا پڕۆژهیێن ئاڤێ ژى د ناڤا بهرنامهیێ كارى دانه.
تُتاح هذه الصورة أيضا في: کوردی