یەکەیێن ئاکنجیبوونێ دێ بۆ هندەک ژن و زارۆیان هێنە دابینکرن

یەکەیێن ئاکنجیبوونێ دێ بۆ هندەک ژن و زارۆیان هێنە دابینکرن
گاڤ
جڤاتا وەزیرێن هەرێما کوردستانێ رازیبوون ل سەر داخوازیەکا وەزارەتا کار و کاروبارێن جڤاکی دا و دێ یەکەیێن ئاکنجیبوونێ بۆ ژمارەکا ژن و زارۆیان هێنە دابینکرن.
وەزارەتا کار و کاروبارێن جڤاکی د بەیانەکێ دا راگەهاند؛ ئەو سنێلەیێن ل مالێن بێ سەمیانان ل دەمێ ژیێ وان دگەهیتە 18 سالیێ دهێنە دەرئێخستن، ژمارەکا وان سنێلەیێن کور ژبەر نەبوونا جهێن حەواندنێ تووشی تاوانان دبن و ژمارەکا کچان ژی دکەڤنە دەستێ گرۆپێن مافیایێن بازرگانیکرنێ ب مرۆڤان، لەورا داخواز ژ حکومەتا هەرێما کوردستانێ هاتیە کرن یەکەیێن ئاکنجیبوونێ بۆ وان دابین بکەن هەتا کو دگەهنە ژیێ 24 سالیێ.
هەروەسا هاتیە، ئەو ژنێن گەف ل سەر و ل سەنتەر و شێلتەرێن پاراستنێ دهێنە حەواندن، پشتی چارەسەربوونا کێشەیێن وان مالێن هندەک ژ وان رێکێ نادەنێ ڤەگەرنە مالێن خۆ و بووینە بارگرانی ل سەر وان سەنتەر و شێلتەران، لەورا داخواز ژ حکومەتێ هاتیە کرن یەکەیێن ئاکنجیبوونێ بۆ وان ژنان ژی دابین بکەن.
د بەیانا وەزارەتا کار و کاروبارێن جڤاکی دا هاتیە کو سەرۆکێ حکومەتا هەرێما کوردستانێ ئەو داخوازیە پەسەند کریە و دێ یەکەیێن ئاکنجیبوونێ بۆ وان کەسان هێنە دابینکرن.

تُتاح هذه الصورة أيضا في: کوردی