سه‌رۆكێ حكومه‌تێ كوژمه‌كێ پاره‌ى بۆ بجهئینانا چه‌ند پرۆژه‌یان ل سنۆرێ پارێزگه‌ها دهۆكێ ته‌رخانكر
خانى نيوز:
سه‌رۆكێ حكومه‌تا هه‌رێما كوردستانێ ره‌زامه‌ندى ل سه‌ر ته‌رخانكرنا زێده‌تر ژ سێ ملیار دیناران بۆ بجهئینانا چه‌ند پرۆژه‌یان ل سنۆرێ پارێزگه‌ها دهۆكێ و ده‌وروبه‌رێن وێ دا.
فه‌رمانگه‌ها میدیا و زانیارییان یا حكومه‌تا هه‌رێما كوردستانێ راگه‌هاند، ژ چارچووڤێ بجهئینانا كارنامه‌یا كابینه‌یا نه‌هێ یا حكومه‌تا هه‌رێما كوردستانێ ژ پێخه‌مه‌ت دابینكرنا خزمه‌تگوزارییێن زێده‌تر بۆ وه‌لاتییان ل تماما ده‌ڤه‌رێن هه‌رێما كوردستانێ، مه‌سرور بارزانى سه‌رۆكێ حكومه‌تا هه‌رێما كوردستانێ ره‌زامه‌ندى ل سه‌ر ته‌رخانكرنا سێ ملیار و 11 ملیۆن دیناران ب مه‌ره‌ما دروستكرنا چه‌ند پرۆژه‌یێن ئاڤێ ل پارێزگه‌ها دهۆكێ دا.
دراگه‌هاندنێدا ئاماژه ب پرۆژه‌یان هاته دان، كو ژ پرۆژه‌یێ ئاڤا دهۆكێ، پرۆژه‌یێ ئاڤا ده‌وروبه‌رێن دهۆكێ و پرۆژه‌یێ ئاڤا ئاكرێ پێك دهێت.
تُتاح هذه الصورة أيضا في: کوردی