وهزارهتا ساخلهمیا ههرێمێ تۆماركرنا 72 حالهتێن نوى ب ئیدزێ راگههاند
گاڤ
وهزارهتا ساخلهمیا ههرێما كوردستانێ راگههاند، د 10 ههیڤێن بۆرى دا، نێزیكى 598 هزار تێستێن پشكنینا خوینێ بۆ ئاشكراكرنا ڤایرۆسێ خوینێHIV هاتینه كرن، 72 حالهتێن نوى یێن ئیدزى هاتینه ئاشكراكرن، پتریا وان وهلاتیێن بیانى بوون و توشبووى بۆ وهلاتێن وان هاتینه ڤهگهڕاندن.
ئێكى كانوینا ئێكێ وهكو رۆژا جیهانیا ئیدزێ هاتیه دانان، د ڤێ رۆژێ دا لسهر ل سهرانسهرى جیهانێ كار بۆ هشیاریا ساخلهمیێ و دویركهفتن ژ ئهگهرێن توشبوونا ب ئیدزێ دهێته كرن كو د نها دا 40 ملیۆن مرۆڤ تووشى وێ نهخۆشیا كوژهك بووینه. سالانه ملیۆنهك توشوبووى دمرن و دو ملیۆنێن دى تووش دبن.
وهزارهتا ساخلهمیا ههرێما كوردستانێ ژى د راگههاندنهكێ دا ئامارێن توشبوویێن ئیدزێ ل ههرێما كوردستانێ راگههاندن و ئاشكراكر، د 10 ههیڤێن بۆرى دا 598 هزار پشكنێن خوینێ بۆ دیاركرنا ڤایرۆسێ ئیدزێ ل ههرێما كوردستانێ هاتینه كرن، د پشكنینان دا 72 حالهتێن نوى یێن ههلگرێن ڤایرۆسێ ئیدزێ ههبووینه، پتریا وان وهلاتیێن بیانى بوون.
وهزارهتا ساخلهمیێ دا زانین ژى، تووشبوویێن خهلكێ ههرێمێ یێن كهڤن و نوى ههمى ل ژێر چاڤدێریا ساخلهمیێ و خۆپارێزیێ دانه.