جڤاتا وەزیران چەند بریارەك بۆ وەزارەت و فەرمانبەران دەرخست
باسنيوز:
جڤاتا وەزیرێن هەرێما کوردستانێ، چەند بریارەك بۆ وەزارەتان دەرخستن، كۆ بەشەك ژ وان پەیوەندی ب فەرمانبەر و دامەزراندن و پلە بلند کرن و درێژكرنا خزمەت و ڤەگوهاستنێ هەیە.
ل دیف نڤیسارەکا سەرۆکاتیا جڤاتا وەزیرێن هەرێما كوردستانێ، کۆ ل 12ێ2ێ 2024 دەرچوویە و وێنەك دەست (باسنیوز) كەفتیە، تێدا دیار کر: “ب بەرچاڤکرتنا رەوشا داراییا هەرێمێ و رێکخستنا میلاکات و خەرجییان و كێمكرنا خەرجییان، پێتڤیە هەمی لایەك پابەندێ وێ بن، ئەڤ جۆرە نڤیسارە ناڤەرۆکا ڤان بابەتێن خوارێ پێکهاتیە، ئاراستەی سەرۆکاتیا جڤاتێ نەهێتە کرن”.
ئاماژە ب وێ کر، نڤیسارا دامەزراندنێ بۆ نەهنێرن، هەتا وی دەمی د چارچۆڤێ یاسایا بودجەیا سالانەدا ژلایێ جڤاتا راژەی دهێتە رێکخستن.
ئەو ژی دیار کر: “نابیت داواكارییا ڤەگەراندنا فەرمانبەران بۆ راژەیا سەربازی و شارستانی بۆ وان پنێرن، تنێ ئەو فەرمانبەر نەبیت، کۆ ژبەر حوکمێ دادگەهێ، یان دۆسەکا دادوەری دێ ل راژەی هێتە دابرین.”
جڤاتا وەزیران تەکەز کر: “ڤەگوهاستنا راژەی و تەنسیبکرنا فەرمانبەران ل دەرڤەی هەرێمێ بۆ سازیێن هەرێمێ و ڤەگوهاستنا راژەی بۆ سەر میلاكێ وەزارەتا خواندنا بلند و پەروەردێ بۆ مە نەهنێرن و ڤەگوهاستنا فەرمانبەران ل یاسایا خزمەتا سەربازی بۆ سەر یاسایا خزمەتا شارستانی و بەروڤاژی هاتیە راوەستاندن.”
ئاماژە ب وێ کر، چ نڤیسارێن درێژکرنا دەمێ خزمەتا وان فەرمانبەران بۆ نەهنێرن، كۆ ژیێ یاسایی تمام کربیت، ژ بلی وان حالەتێن کۆ پێتڤینە، ئەو ژی دەمێ سالەكێ یان بۆ سێ سالان، بۆ شایستەبوونا مووچەیێ خانەنشینیێ.
هەروەسا د نڤیسارێدا بەحسا وێ ژی کر، نڤیسارا هاریكاریێ بۆ وانا نەهێتە کرن. تنێ هاریكارییا چاندنا جگەری رێك پێ هاتیە داین و هاریكاری دێ بۆ هێتە کرن.
د نڤیسارێدا، چەند خالەکێن دی ژی هاتن، كۆ ناهێنە وەرگرتن و كار لسەر ناهێتە کرن، ژ وانا: “تەرخانکرن و نویکرنا رەزامەندی و ڤەگوهاستنا زەڤیێن ئاکنجیبوونێ، نڤیسارێن تایبەت ب قەرەبووکرنێ، کۆ وەزارەت و سازیێن هەرێمێ لێ بەرپرسیار نینە، کرینا ترومبێلێ بۆ بکارئینانا تایبەتی و بلندکرنا پلەیا فەرمانبەران ژ بلی رێنماییان و ئەو نڤیسارێن ژ لایێ رێڤەبەرایەتیێن گشتی بۆ جڤاتا وەزیران تنێرن، ناهێتە وەرگرتن.”
ئاماژە ب وێ کر، نابیت ترۆمبێلێ رادەست بکەن، هەتا سزایێ سەرپێچییان نەهێتە پاكژ کرن.
جڤاتا وەزیران تەکەز کر، هەر بابەتەك، كۆ د وان بریاراندا هەبیت، ئەڤە ژ لایێ كارگێڕییا جڤاتا وەزیران ناهێتە وەرگرتن و كار لسەر ناهێتە کرن و نڤیسار ل وەرگرتەیا جڤاتا وەزیران ناهێتە وەرگرتن و دێ هێتە ڤەراندن.
تُتاح هذه الصورة أيضا في: کوردی