سه‌رۆك بارزانى: پشته‌ڤانییا خۆ بۆ ماف و داخوازیێن هه‌مى پێكهاته‌یێن كوردستانێ دوپات دكه‌ین
گاڤ
سه‌رۆك بارزانى هاتنا جه‌ژنا قیامه ل كریستیانان پیرۆزكر و پشته‌ڤانییا خۆ بۆ ماف و داخوازیێن هه‌مى پێكهاته‌یێن هه‌رێما كوردستانێ دوپاتكر.
د په‌یامه‌كا پیرۆزباهیێ یا سه‌رۆك بارزانى دا هاتیه “ب هه‌لكه‌فتا جه‌ژنا قیامه یا حه‌زره‌تێ مه‌سیح (سلاڤێن خودێ لێبن) گه‌رمترین پیرۆزباهیێن خۆ ئاراسته‌ى خویشك و برایێن كریستیان ل كوردستانێ، ئیراقێ و سه‌رانسه‌رى جیهانێ دكه‌م، هه‌ڤده‌م ب هه‌لكه‌فتا سه‌رێ سالا نوى و جه‌ژنێن ئه‌كیتۆ پیرۆزباهیێ ل گه‌لێ كلدان، سریان و ئاشوورى ل كوردستانێ، ئیراقێ و هه‌مى جیهانێ دكه‌م و هیڤییا خێر و خۆشى و به‌خته‌وه‌ریێ بۆ دخوازم”.
د په‌یامێ دا هاتیه ژى “د ڤێ هه‌لكه‌فتێ دا، هیڤیخوازم كه‌لتۆرێ پێكڤه‌ژیانێ، برایه‌تیێ و ته‌باییێ دناڤ سه‌رجه‌م پێكهاته‌یێن نه‌ته‌وه‌یى و ئایینان دا ل كوردستانێ و ئیراقێ پاراستى بیت و بهێزتر بیت، زێده‌بارى دوپاتكرنا پشته‌ڤانییا خۆ بۆ ماف و داخوازیێن ره‌وا یێن هه‌مى پێكهاته‌یان، دوپاتیێ ژى ل سه‌ر وێ چه‌ندێ دكه‌م كو د بن چ به‌هانه‌یان دا نابیت پاشه‌كشه ب فه‌رهه‌نگا پێكڤه‌ژیانێ و مافێن خویشك و برایێن كریستیان و پێكهاته‌یێن نه‌ته‌وه‌یى و ئایینیێن دى یێن كوردستانێ و ئیراقێ بهێنه كرن”.
تُتاح هذه الصورة أيضا في: کوردی