پرۆسهيا تۆماركرنا داتايێن مينحهيا سهرۆكوهزيران مهسرور بارزانى یه بهردهوامه
ڕاگههاندنا بنگههێ لالش
د چارچۆڤێ پرۆژێ سهركۆوهزیران رێزدار مهسرور بارزانی رۆژانه ل بنگههێ لالش ل دهۆكێ داتایێن رزگاربوویان ژلایێ لژنهیهكا تایبهت ڤه دئێنه تۆماركرن و مينحه ل سهر وان دئێنه دابهشكرن.
ئيرۆ سێ شهمبوويێ 13ى تهباخا 2024ێ، ئيمان عبدلله، ڕێڤهبهرا پرۆژێ مينحهيا دارايى بۆ ڕاگههاندنا بنگههێ لالش دا خویاكرن: پتر ژ ماوێ ههفتیهكێ یه دهست ب دابهشكرنا مينحهيا رێزدار مهسرور بارزانى سهرۆكوهزيرێن حكومهتا ههرێما كوردستانێ ل سهر رزگاربوويێن ژ دهستێ داعش دئێـهكرن و دێ یه بهردهوام بت ههتاكو ههموو رزگاربووی مینحهیێ وهردگرن.
گۆتژی: ل رێكهفتی 4/8/2024ێ جودا جودا ل دهڤهرێن شاريا،خانك،شێخان و دێرهبوونێ دهاته دابهشكرن و نۆكه رزگاربووی ل بنگههێ لالش ل دهۆكێ مینحهیێ وهردگرن.
ئیمانێ دا دیاركرن: ئهڤ مینحه بتنێ هاریكاریهكا مادییه و نه مووچهیه، و هیچ مهترسیهك ل سهر وی مووچهی نینه یێن رزگاربووی ژ حكومهتا عیراقێ وهردگرن، و ههروهسان ههردوو رهگهزێن رزگاربوویان ژ ڤی پرۆژی دێ مفادار بن.
گۆتژی، ههروهسان لينكهكێ تايبهت ل سهر پلاتفۆرمێن راگههاندنا بنگههێ لالش دێ ئێته بهلاڤكرن و رزگاربوویێن ژی دهرڤهی وهلاتی دێ كارن فۆرمێن خۆ داگرن.
ل رێككهفتى 2/7/2024ێ پرۆژهيێ پشتهڤانيكرنا دارایی بۆ ڕزگاربوويێن ئێزدى ژ دەستێ داعشێ ژلايێ رێزدار مهسرور بارزانى ڤه ، سهرۆكوهزيرێن حكومهتا ههرێما كوردستانێ ڤه هاتە ڕاگەهاندن.
کابینا نەهێ یا حکومەتا هەرێما کوردستانێ و ب تایبەت جەنابێ سەرۆکێ حکومەتێ، پشتەڤانيهكا بێ سنوور پێشكێشى ئێزدیان و ب تایبەت شنگالێ دكهت.
بهلگهنامهیێن پێتڤی
بهلگهیێن فهرمی
كارتا نشتیمانی
كارتا زانیاریان
پهسهندا نڤیسینگهها رزگاربوویێن ئێزدی یان ژی فهرمانگهها جێنۆسایدێ ل دهۆكێ
تُتاح هذه الصورة أيضا في: کوردی