ل دوو ولاتان فروشتن و هناردەکرنا کەری هاتە قەدەغەکرن
ئێن ئارتى
هەردوو حکومەتێن بۆرکینافاسو و نەیجەر فروشتنا کەری و هناردەکرنا وان بۆ دەرڤەیێ ولاتی ب تایبەتی بۆ وڵاتێن کێشوەری ئاسیا قەدەغەرکر.
ئاژانسا نوچەیا سپوتنیک بەلاڤکر، بەرپرسێن حکومەتا نەیجەر راگەهاند، ئەگەر فروشتنا کەری ب رەنگێ نها بەردەوام بیت، ئەڤە کەر ل نەیجەر نامینیت و ژبەر هندێ حکومەتا نەیجەر بریاردایە فروشتنا کەری قەدەغە بکەت.
ئاماژە ب وێ ئێکێ ژی کر، حکومەتا نەیجەر ب رەنگەگێ تایبەت فروشتنا کەری ب بازرگانێن چینێ قەدەغەکریە، چونکی بازرگانێن چینێ گەلەک کەری دکڕن و ل چینێ ژ کەری کرێمێ پزیشکی و دژە پیری دهێتە دروستکرن، ئەڤ زێدەباری کو بۆ کارێ بازرگارنی بکاردئینن بۆ بارکرنا کەلوپەلان.
لگۆری زانیاریێن حکومەتا نەیجەر ل دەسپێکا ئەڤێ سالێ هەیا نها ٨٠ هزار کەر ل وی ولاتی هاتینە فروشتن و ئەڤە لهەڤبەرکرن دگەل سالا رابهوری نزیکی سێ هندە بلندبویە ، چونکی ل سالا ٢٠١٥ێ ٢٧ هزار کەر ل وڵاتێ نەیجەر هاتبوو فروشتن.
هەروەسا لگۆری نوچەیەکێ بی بی سی، وەزارەتا ئاژەڵداریا نەیجەر سەربڕینا کەری قەدەغە کریە.
بەری نها ژی کەرەک ل وڵاتێ نەیجەر ب ٣٥ دۆلاران دهاتە فروشتن و بازرگانی پێ دهاتە کرن، بلێ نها کەر ب ١٤٥ دۆلاران دهێتە فروشتن.
ل مەها رابهوری ژی حکومەتا بۆرکینافاسلۆ فروشتنا کەری بۆ دەرڤەیێ ولاتی قەدەغەکر، چونکی لگۆری بەرپرسێن وی ولاتی هژمارا کەران ل وی ولاتی کێمکریە وژبۆ کو رێگری ل ژناڤچونا کەری بگرن بریارا قەدەغەکرنا فروشتن و هناردەکرنا کەری دانە.
تُتاح هذه الصورة أيضا في: کوردی