قوتابی وەك پێتڤی گرنگیێ ب پرۆسێسا پەروەردە و فێركرنێ نادەن
راپۆرت:جوان بەرواری
دڤان كاودانان دا ئاریشێن قوتابیان ل هەرێمێ بەرەف رێژەكا زۆر چووینە،ژبەر ئەگەرێ لاوازیا بارێ ئابووریێ خێزانێ ئێدی وەك پێتڤی قوتابی گرنگیێ ب پرۆسا پەروەردەو فێركرنێ نادەن،هەڤدەم هەبوونا بایكوتێ ژی سنورەكە بۆ ڤەكرنا چارەسەریا كێشەیان دناڤا باژارو باژێركێن كوردستانێ دا،چالاكڤانەكێ مەدەنی ژی دبێژت:دڤێت لایەنێن سیاسی ل سەر مێزێ گفتوگۆیێ و كۆمبوونان دا هەولا درووستبونا ڤی بارودۆخی بكن وتایبەتی پشتی پەیاما سەرۆك (بارزانی)ئەڤە ببتە دەرگەهێ ئاشتیێ بۆ لایەنێن سیاسی هەموو ئاریشا چارەسەربكن.
قوتابی “كاروان”خویاكر:”ئەڤە بۆ ماوێ دوو سالانە رەوشا قوتابخانا بەرەف لاوازبوونێ ڤە چوویە،ژئەگەرێ نەبوونا مووچەی پەیدابوونا قەیرانان ئاستێ خووندنێ ژی ژلایێ قوتابی ڤە بەرەف نزمبوونێ ڤە چوویە و رەوشا قوتابیان و قوتابخانان دبارودۆخەكێ ئالۆزدایە،ژبەر نەبوونا پێتڤیاتێن قوتابخانێ،هەبوونا بایكوتێ سنورەكە بۆ ڤەكرنا چارەسەریا كێشەیان دناڤا باژارو باژێركێن كوردستانێ دا،هەردیسان ئەڤە ژی پالدەرەكە بۆ بلندكرنا ئاستێ خوندەڤانی دمەیدانا خووندنێ دا،لێ ئەگەر نەبتە جهێ كارڤەدان و كاریگەریێ ل سەر قوتابخانێن مە ڤە،لەورا هیڤدارین ب زووترین دەم بگەهینە پێنگاڤێن چارەسەریێ.
مامۆستا”رزگار ئیبراهیم”دیاركر:”بێگومان ئاریشێن قوتابیان دڤان كاودانان دا بەرەف رێژەكا زۆر چووینە،ژبەر ئەگەرێ لاوازیا بارێ ئابووریێ خێزانێ،ئێدی وەك پێتڤی قوتابی گرنگیێ ب پرۆسا پەروەردەو فێركرنێ نادەت و ب خەمساری زڤرینت ئەڤە ژی دبتە ئەگەرێ نە مەزاختنا پێتڤیێن وان یێن رۆژانە،لەوما ب دیتنا من هەبوونا بایكوتێ فشارەكە ل سەر حكوومەتێ ئەگەر زیانێن وێ بایكوتێ گەلەك بن،بێگومان حكوومەت دێ هندەك پێنگاڤان هاڤێژت بۆ سڤككرنا بارێ گرانێ خەلك تێدا دژیت،چنكو بەردەوامبوونا ژیانێ پێتڤی ب هەبوونا مادی هەیە،ل قوتابخانا دەوامێ لێ دكەم هەتا نۆكە ئێك مامۆستایی بتنێ مۆلەتا بێ مووچەیێ یا وەرگرتی بۆ مەرەما رزگاربوونێ ژڤێ قەیرانێ،چ مامۆستا نەچووینە دەرڤە و قوتابی ژی دهەمان ئاست دانە،لێ ب شیوەیەكێ گشتی ل گۆرەی گۆتنا راگەهاندنێ رێژەكا مامۆستایان قەستا دەرڤە كری بۆ رزگاربوونێ دڤان كاودانان دایە”.
ژلایێ خۆڤە چالاكڤانێ مەدەنی و بەرپرسێ رێكخراوا مەند”هێرش رەشید”گۆت:”ب بۆچۆنا من ئەڤە بۆ ماوێ چەند سالایە خۆپیشاندان ب شێوەیەكێ بەردەوام ل سلێمانیێ دئێنە كرن ،لێ هەبوونا بایكوتكرنێ چ كاریگەری ل سەر دەڤەرا زەر نینە،چنكو هەموو شێوازێن حكومرانیێ جودانە ل ناڤبەرا دهۆك و هەولێرێ و سلێمانیێ ئەم دكارن بێژین شێواز دوو ئیدارەییە ب هەموو سكتەرێن ژیانێ ڤە،دڤێت لایەنێن سیاسی ل سەر مێزێ گفتوگۆیێ و كۆمبوونان دا هەولا درووستبونا ڤی بارودۆخی بكن وتایبەتی پشتی پەیاما سەرۆك (بارزانی) سەرۆكێ هەرێمێ ئەڤە ببتە دەرگەهێ ئاشتیێ بۆ لایەنێن سیاسی هەموو ئاریشا چارەسەربكن ،چنكو خەلك كەفتیە دبن بارێ ئێشاندنەكا زۆر و فشارێن دەروونی ژلایێ ئاستێ ئابووری ڤە”.
تُتاح هذه الصورة أيضا في: کوردی