نەتەوەیێن ئێکگرتی: جیھانێ 50% ژ گیا و گیانەوەرێن کووڤی ژدەستداینە
WAAR – دهۆک:
نەتەوەیێن ئێکگرتی راگەھاند؛ د چل سالێن بۆری دا ئەردی پتری سەدێ پێنجی ژ گیانەوەرێن کووڤی ژدەست داینە.
ئەمیرا محەمەد، جێگرا ئەمیندارێ گشتی یێ نەتەوەیێن ئێکگرتی خوەیا کر: ژ ئهگهرا گوھوڕینێن سەقای و نێچیرکرنێ و بازرگانیکرنا نەقانوونی، د چل سالێن بۆری دا سەدێ پێنجی یا گیا و گیانەوەرێن کووڤی ل سەر ئەردی ژناڤچووینە و ھاتینە ژدەست دان.
د رۆژا جیھانییا ژیانا کووڤی دا ئەمیرا گۆت: بازرگانیکرنا نەقانوونی د بەرھەمێن کووڤی دا ژ دار و گیا و گیانەوەران ژ وان ژی گیانەوەرێن ناڤ ئاڤێ دا، نەتنی گەفە ل سەر پاراستنا گەشەپێدانێ بەلکو گەفە ل سەر ئاشتی و ئاساییشا جیھانێ.
ھەروەسا نەتەوەیێن ئێکگرتی ئاشکرا کر کو پاشەرۆژا ژیانا کووڤی د دەستێ نڤشێ بھێت دایە لەورا پێدڤییە دەنگەکێ بھێز ب گەنجان بھێتە دان د بزاڤێن پاراستنا وێ ژیانێ دا.
تُتاح هذه الصورة أيضا في: کوردی