ھەشت رەفتار وهسان دكن كهسهكێ خهمۆك بى
ZNA- ھەولێر
ڕەنگە زۆر کات تووشی دڵتەنگی یان خەمۆکی ببین، بەڵام بەبێ ئەوەی بزانین ئێمە خودی خۆمان هۆکاری تێکدانی نائاسوودەیین و ژیانی خۆمان تێکداوە.
ئەگەر هەمیشە کەسێکی خەمۆک و دڵتەنگیت واز لە هەشت ڕەفتارە بهێنە:
1-دواکەوتنت لە نان خواردن، واتە بەتەنیا دەچیتە چێشتخانە و نان دەخۆیت و هەرگیز لەکاتی خۆیدا لەگەڵ خێزان و هاوڕێیانت ناچیتە سەر سفرە، ئەمەش یەکێکە لە هۆکارەکانی دڵتەنگی.
2-خودی خۆت ڕێزی خۆت ناگریت و متمانەت بە خۆشت نییە، هاوکات بایەخ بە خۆت نادەیت و پاداشتی کارە باشەکانی خۆشت ناکەیت، ئەمەش هەڵەیەکی گەورەیە و دەبێت زۆر بە ئاگابیت، بە نمونە هەنگاوێکی باش دەنێیت ئەمڕۆ هەوڵبدە کراسێک بۆ خۆت بکڕە و دڵخۆش بە یان بایەخ بە شێوەی ڕووخسار و جلوبەرگ بدە.
3-هەمیشە بیرکردنەوە لە ڕابردوو و نەتوانین و زاڵبوون بەسەر ئەوەی کە ڕوویداوە و ڕۆیشت، هەر بۆیە پێویستە ڕابردوو لەبیربکەیت و بۆ داهاتوو بڕوانیت.
4-بایەخدان بەهەندێک بابەت و ڕووداو زیاد لە پێویست و سنوری خۆی و خۆ بێتاقەت کردن، هەوڵبدە هەموو شتێک بەپێی قەبارەکەی خۆی بایەخی پێ بدە و خۆت دڵتەنگ مەکە بۆ شتێکی بچوک.
5-ڕەنگە ئارەزوو یان کۆمەڵێک ئامانج هەبێت کە حەز بە بەدیهاتنیان بکەیت، بەڵام هەمیشە دوایان دەخەیت و وەک خەونێک دەیبنیت لەبری ئەوەی لە ئێستاوە هەوڵی بۆ بدەیت.
6-بەکارهێنانی خەرجیەکی زۆر بۆ کەلوپەلی بێ سوود لەبری ئەوەی بەشداری چالاکی و نمایشێکی کۆمیدیای پێ بکەیت، یان خەرجی بکەیت لە چوونە دەرەوەت لەگەڵ هاورێیانت و دڵخۆش بیت.
7-بەردەوام دەست تێوەردان لە ژیانی خەڵکی دەتەوێت بزانیت چی دەکەن و بۆچی وادەکەن؟، ئەمەش بەهەمان شێوە هەڵەیەکی گەورەیە و هەوڵبدە بۆ خۆت بژی گرنگی بە خۆت بدە.
8-پەیوەست بوون و ئالوودەبوون بەهەندێک بابەتەوە کە هێندەی تر هۆکارە بۆ خەمگینی و کاریگەری سلبی لەسەر مێشک هەیە، وەک یاریە ئەلکترۆنیەکان.
تُتاح هذه الصورة أيضا في: کوردی