پێکهاتەکێ دناڤ فراولێدا رێگریێ ل ئەلزەهایمەرێ دکەت
ئەڤرۆ نیۆز:
ڤەکۆلینەکا نوو یا ئەمریکی دەرخستیە کو پێکهاتەک دناڤ فراولێدا و چەند فێقیێن دیتر دا رێگریێ ل ئەلزەهایمەر و نەخۆشیێن دیتر یا ژبیرچوونێ یا گرێدایی ب پیران ڤە دکەت.
نۆشدارێن پەیمانگەها سالک بۆ ڤەکۆلینێن بایۆلۆجی ل کالیفۆرنیا دبێژن ماددێ فیسیتین کو دناڤ فراولێ دا هەیە،ئەگەرێن تووشبوونێ ب نەخۆشیێن ژبیرچوونێ کێم دکەت و رێگریێ ل لاوازیا فێربوونا مێشكی دکەت.
پامێللا ماهر،سەرپەرشتیارا ڤێ ڤەکۆلینا ئەمریکی و شارەزایا خانێن دەماران ل ڤێ پەیمانگەهێ دبێژیت، بۆ ماوێ 10 سالان ڤەکۆلینەک ل سەر کاریگەریا ماددێ فیسیتین کو دناڤ فراولێدا هەیە ل سەر نووکرن و پاراستنا خانێن دەماران یێن تەمەنی کریە.
ئەڤ سەرپەرشتیارە دبێژیت ژی،بۆ مە دەرکەفتیە کو فیستین ژبلی هندێ کو رەنگی دبەخشیتە فێقی،ئێکە ژ فلاڤۆنۆیدان،کو د هندەك شینکاتی و فێقیان دا ب گشتی دناڤ فراولێدا ب رەنگەکێ تایبەتی هەیە،کو تایبەتمەندیا دژە ئۆکسینێ هەیە و تێکچوونا خانێن دەماران کێم دکەت،هەروەسا ئەگەرێن هەوکرنا خانێن دەماران لاواز دکەت.
پامێللا ماهیر ئاشکرا دکەت ژی،فیسیتینا ناڤ فراولێ یا ب مفایە و بۆ رێگریکرنێ ل کۆمەکا نەخۆشیێن دەماران کو بۆ پیران دروست دبن و ئەلزەهایمەر ژی ئێکە ژ وان.
ئەلزەهایمەر جۆرەکێ ژبیرچوونێ یە و تووشبوویێن ڤێ نەخۆشیێ گرفتا شیانێن بیرهاتنان هەیە،ب رەنگەکی هندەک جارا کارتێکرنێ ل کارێن وان یێن رۆژانە دکەت. ل دووڤ ئامارێن سەنتەرێ نێڤدەولەتی یێ ئەلزەهایمەرێ ل جیهانێدا 44 ملیۆن تووشی ڤێ نەخۆشیێ بووینە.
تُتاح هذه الصورة أيضا في: کوردی