كێم خهوى چالاكيا مێشكى كێم دكهت
ئهڤرۆ نيۆز:
نوشدارێن زانكۆيا تهل ئهڤيڤ يا ئيسرائيلى دبێژن وهستيان وكێم خهوى چالاكيێن مێشكى كێم دكهن، ئهڤ چهنده ژى گرفتان دكار ورهفتارێن رۆژانه يێن كهسێن كێم خهو دروست دكهن.
يوڤال نير، بسپۆرێ نهخوهشيێن مێشك ودهماران دبێژيت، دهمێ كهسهك تووشى كێم خهويێ دبيت، دمێشكى دا چهند پێكداچوون رووددهن وكارتێكرنێ ل سهر خانێن مێشكى وچالاكيا مێشكى كێم دكهت، ب ڤێ چهندێ وى كهسى شيانێن سهرهدهريێ ل گهل ژينگهها دهوروبهرێ خوه نابيت وئهڤه ژى كارتێكرنێ ل سهر خانێن بيرهوهريێن مێشكى دكهت وشيانێن وى لاواز دكهت.
نوشداران چالاكيێن 15 هزار خانهيان ل وان جهێن مێشكى تۆماركرن كو دتايبهتن ب لێكدانا بيرهوهريان وبهرسڤا رهفتارێن رۆژانه، بۆ وان نوشداران دهركهفت دهمێ كهسهك تووشى وهستيانێ يان كێم خهويێ دبيت، چالاكيێن وان خانان ژى كێم دبن وشيانا ئهنجامدانا فهرمانان ب تمامى نابيت.
مێشك ئێك ژ ئالۆزترين وههستيارترين ئهندامێن لهشى يه وبهرپرسه ژ رێكخستنا بيركرنێ وبيرهوهرى وههستان وپتريا فهرمانێن لهشى.
تُتاح هذه الصورة أيضا في: کوردی