بھێنڤەدان پشتی فێربوونێ ھاریکارە بۆ بیرئینانا ھەر تشتی ب درێژی
نوش نيوز:
پتریا مە دزانن کو بێی نڤستن ئەم نەشێین بیرھاتنێن نوی دروست بکەین. لێ ئەرێ بێھنڤەدانەکا کورت بتنێ یا ١٠ خولەکی، بێی کو بنڤی پشتی ھەر تشتەکێ فێر دبی بەسە دا کو ب شێوەکێ درێژ ژبەر بکەی؟ ڤەکولینەکێ دیارکریە.
خەو و بیرھاتن پەیوەندی پێکڤە ھەیە، ژبەرکو نڤستن رێگریێ ل میکانیزما مێشکی یا ژبیرکرنێ و ھاریکاریا چالاک کرنا بیردانکێ دکەت.
ھەردیسان ھندەک ڤەکولینێن نوی دیارکرینە کو خەو ئەگەرەکە بۆ ب ھێزکرنا ئەو بیرھاتنێن ئەم دروست دکەین ل دەمێ د ھشیار، ھەروەسا پاراستنا شیانێن مێشکی بۆ فێربوونا تشتێن نوی.
لێ نە بتنێ نڤستن بەلکو بێھنڤەدانەکا کورت ژی گەلەکا ھاریکارە بۆ چالاک کرن و دروست کرنا بیرھاتنێن نوی و ب ھێزکرنا سیستەمێ بیردانکێ.
ڤەکولین ھاتبوو ئەنجام دان ل سەر ٦٠ گەنجێن کچ و کور کو د ژیێ ٢١ سالی دا بوون، دا کو سەحکەنە ھندەک وێنان.
پرسیار ژ وان ھاتە کرن بۆ سەحکرنا ھندەک وێنێن کەڤن و یێن نوی، ئەگەر شیانێن بەشدار بووی د باشبوون د ھەلگرتنا جیاوازیا دا، ئەو دا بێژن کو وێنە وەکی ئێکن. ل دوماھیێ ئەنجامان دیارکر کو ئەو گەنجێن پشتی سەحکرنا وێنان بۆ ماوێ چەند خۆلەکان بێھنڤەدان کری، گەلەک باشتر بوون د تێبینی کرنا جیاوازیێن بچوویک د ھەردوو وێنێن وەکھەڤ دا.
تُتاح هذه الصورة أيضا في: کوردی