فیفا دێ دووباره دهنگدانێ لسهر مۆندیالا 2022 كهت
WAAR-دهۆك:
ئێكهتییا فوتبۆلا نێڤدهولهتی داخازا ژ كۆنگرێسێ گشتی كر بۆ گرێدانا كۆمبوونێ بهری دوو رۆژان ژ دهستپێكرنا مۆندیالا رۆسیا 2018ێ ل 14 خزیرانێ پێخهمهت دهنگدانێ لسهر فاێلا بهربژار بۆ مێڤانكرنا مۆندیالا 2026ێ. لدوور گۆڤارا فوكس یا تایبهت ب نوچهیێن پشت پهردهیان هاتییه بهلاڤكرن كۆ فشار و بزاڤێن ئۆرۆپی یێن مهزن بۆ دووباره دهنگدانێ لسهر مێڤانكرنا مۆندیالا 2022 پهیدابوویه پشتی زنجیرهیهكا تومهتان هاتینهكرن بۆ بهرپرسێن فاێلا قهتهرێ گرێدای ب گهندهلی و دانا بهرتیلان بۆ ئهندامێن كۆمیتهیا بجه ئینانێ د فیفایێ دا. پێخهمهت مسۆگهركرنا سهركهڤتنێ بۆ مێڤانكرنا مۆندیالا 2022ێ.و دیار ژی كر كۆ فیفا دێ بریارا خوه یا داویێ وهرگریت و رهنگه سۆپرایزهكا مهزن بۆ ههموو جیهانێ لدوور پرۆسێسا دهنگدانێ لسهر مۆندیالا قهتهر پهیدا بكهت. ههڤدهم راپۆرتهكا نهێنی یا تۆرا بی بی سی بهلاڤكرییه كۆ تێدا هۆشداری دایه وان كۆمپانیێن كارێ درۆستكرن و نووژهنكرنا یاریگههێن مۆندیالا 2022 دكهن كو رهنگه ئهڤ مۆندیاله ژ قهتهر بهێته ڤهكێشان ب تایبهت پشتی وهلاتیێن سعوودی و ئیمارات و بهحرێن و مسرێ بایكۆتا سیاسی دانایه سهر.
تُتاح هذه الصورة أيضا في: کوردی