ئازراندنا بابهتێن كوشتن و مرنێ دناڤ خێزانێ دا كارگهریێن نهرێنی ههنه
ئهڤرۆ نيوز:
بهحسكرنا بابهتێن مرنا ب كورونایێ و گهلهك ئاخفتن ل سهر كوشتن و بابهتێن توند كارگهریێن خراب كرینه ل سهر خیزانێ و تایبهت زارویا و جڤاكی ب گشتی، ئهڤه نمونا ئاخفتنا پتریا وان كهسانه یێن ئاخفتین بو رۆژنامێ و دیار ژی كر نكو رهوشا دهروونی و جڤاكی كهفتیه دمهترسیێ دا و ئهم پێشبینیا ئاریشێن نه چاڤهرێكری دكهین.
مهسعود گهفهركی سهمیانێ خێزانێ یه دگهل هندێ یه كو ئهم دوماهیكهكێ بو ئاخفتنێن زڤر و سوحبهتێن توند بدانین، چونكی رهوشا پتریا خێزانێ كهفتیه دمهترسیێ دا و ترسهك پهیدا كریه ل دهڤ پتریا ئهندامێن خێزانێ نهخاسمه زارویا و نهخوش و دانعهمران، ئهڤه وێ چهندێ ناگههینیت كو زێدهتر دێ خوه پارێزین، بهلكو دبیته سهدهما نهخوشیێن مهزنتر دبین دناڤ خێزانێ دا نهخاسمه ئهو نهخوشیێن ژ ئهگهرێ بابهتێن مرن ب كورونایێ و كوشتن و مرن و رودانێن دل تهزین پهیدا دبن، ژبهر هندێ بێ هیڤی بونهك پهیدا و بویه دناڤ ههر مرۆڤهكی دا، ئانكو ئێدی ههر تاكهك ههست ب تاما ژیانێ و بهختهوهریێ ناكهت و ههل دهت ژیواری ب رهڤیت داكو یێ دوور بیت ژ خهمان.
نهوال ئیسماعیل چالاكڤانه دوارێ جڤاكی دا سهبارهت بابهتی ئاماژه ب وێ چهندێ كر كو ئهگهر ئهڤ دهنگویێن بهلاڤ دبن ل راگههاندنێ سهبارهت مرنا ب كورنایێ پتر دێ خوه پارێزن گرنگه بهلاڤه بكهن بهلێ ئهم یێ دبینین بویه ئهگهرێ ترسهكێ و ههتا ڤهقهتیانهك پهیدا بوویه دناڤبهرا تاكان دا نهخاسمه كارتێكرن ل پهیوهندیێن خێزانی و مرۆڤانی ژی كریه كو ههر كهسهك بتنێ هزر ل بهرژهوهندیا خوه بكهت و ئاگهه ژ یێ دی نهبیت ل شوینا پتر دلوڤان بن، شهرێ دهروونی پهیدا بوویه و ههست ب ههرفتنا كهسایهتیا خوه دكهن و دبێژن دێ ههر مرین دهست ژیانێ بهرداینه و ئهڤ چهنده تاكی و خێزانێ و جڤاكی بهرهڤ ئاقارهكێ بهرزه ڤه دبهن.
بهیار رهشید بهرگارهیی شارهزایێ جڤاكێ مهدهنی یه دیاركر: كاریگهریا دیمهن و نمایشكرن و راگههاندنا دهنگ و باس ووێنهیێن كوشتی و خوكوشتیا ومریێن گیان ژدهستدانا پهتایا كورونایێ لسهر دهرونێ مروڤی دكارتێكهرن.مخابن ههر ئێك ژمه یێ بویه پهیامنێرهكێ سهربهخو و بلهزوبهزهكێ ل ئهكاونتێ خویێ سوشیال میدیایێ بینیته خار، ئهفجا ئێكسهر دێ مروڤ پێحهسیت و زانیت فلانه كهس مروچوبهر رهحما خودێ.ههر ئێكسهر ودهملدهست دێ بیردانكا هزرێن مروڤی كهڤیته هزركرنێ ڤێجا نهخاسمه ههكه ئێكێ نێزیكی مروڤی بیت دێ تێكچیت و كارتێكرن لێبیت،
بهلكو ل ڤان چهندروژێن بوری هندهك گیان ژدهست دانێت دل ئێش و جهێ مخابنیێ وئێكسهر كارتێكرن لدهرونێ مهههمیان كر ئهوژی.بیكا دههـ روژا دهواتا خوكری ل ههولێرێ و ههردیسان ئافرهتا دووگیان وبیكا دوو سالی ل دهوكێ ب ئهگهرێ نهخوشیا كورونایێ،ئهڤ ههردوو دهنگ وباس ودیمهنه زور دكاریگهرو دلئێش بون.
ههروهسا بهلاڤكرنا دهنگ و باسێن خوكوشتنێ لڤان چهند مههێن بوریدا ژ حالهتان ببو دیارده تایبهت ژی دناڤ تهخا سنێل و گهنجان دا ژئهگهڕێ كێشێن كومهلایهتی و ئهڤینداریێ.براستی ژی دل ئێش و دهرون تێكدهربون.
ژیهات حكیم ئوزمانی ماوستایێ دهرونی ناسی یه سهبارهت بابهتی ئێكسهر ئاماژی كره خالا سهرهكی ئهو ژی دایك و باب دهوسیار بن چونكی پتریا خهلكی ژ ئهگهرێ نهخوشیا و رۆدانێن مرنێ و نهخوشیا پهتایا كورونایێ پهیدا دبن، پتر كارتێكرنێ ل دهروونێ كهسانێن ساده دكهن و ئهڤ چهنده دهێت پتشتی راگههاندنا مه یا خهلهت ب كار ئینانا حالهتێن توشبویێن كورونایێ و و ئازراندنا حالهتێن مرنێ پتر راگههاندن ل شوینا پتر كار ل هوشیاریا وهلاتیان بهێته كرن ترس و نهخوشیێن دهروونی زێدهتر بووینه ژ یێن لهشی چونكی هزر دكهن ههر كهسێ تووش بو دێ مریت، ژبهر هندێ ئهم پێدڤی گهلهك دهمی نه ههتا جڤاكێ مه زێدهتر فێر بیت خوه پارێزیت ژ ههر نهخوشیهكێ.
زێدهباری ناڤبری دبێژیت: ئهڤ دیاردا مرنێ یا ب ژ كورنایێ پهیدادبیت ئهگهر كرنه كارتێكرنا خراب ل كهسێن دانعهمر ژ زاروكان، تایبهت دهما كهسێن دانعهمر توشی كورونایێ دبن هزر دكهن د لاوازن و بهرگریا وان یا كێمه و گهلهك بساناهی دهستا ژ ژیانێ بهرددهن. و دیسان ئهو خو كوشتن و مرنێن ژ نیشكهكێ ڤه رویددهن كارتێكرنهكا زور ل زاروك و سنێلان كریه پێبوونا ههر ئاریشهكێ د ژیانا ڤی سنێلهی دا دێ هزر كهت خو كوشتن پارهسهركرنا ئاریشه و ئارامكرنا ویه بێ كو هزر د دلتهنگیا خێزان و دهوروبهرێن خو دا بكهت.
خالا دوماهیێ ژی ههر رۆدانهكا پهیدا دبیت گرنگه راگههاندن هزر لێ بكهت كهسێن بینهریێ بو دكهن كهسانێن گهنج و بێ نهخوشی نینن بهلكو ب هزاران كهسێن نهخوش بهرێ خوه ددهنێ و دڤێت ههولدان بهێنه كرن كهسایهتیا دهوروبهرێن وان ئاڤا بكهن و ژیانێ ل بهر جوان بكهن داكو زێدهتر خوه پارێزن و هوشیاری تێكهلی و ئاریشهیان ژی بن.
تُتاح هذه الصورة أيضا في: کوردی