زەنگینترین کەسێ جیهانێ ب 10 خۆلەکان چوو ڤالاهیا ئەسمانی و ڤەگەڕیا
گاڤ نیوز
دەولەمەندترین کەسێ جیهانێ ئەڤرۆ شیا ب گەشتەکێ بچیتە ڤالاهیا ئەسمانی و ب ساخلەمی ڤەگەڕیتە ڤە سەر ئەردی.
جێف بیزۆز، ملیاردێرێ ئەمریکی خودانێ کۆمپانیا ئەمەزۆن ئەڤرۆ رۆژا سێشەمبی ب رۆکێتەکا ژ بەرهەمێ کۆمپانیا بلۆ ئۆریجن کو ئەو بخۆ خودانێ وێ کۆمپانیێ یە، شیا د نێزیکی 10 خۆلەکان دا بچیتە ڤالاهیا ئەسمانی و ڤەگەڕیتە ڤە سەر ئەردی.
جێف بیزۆز د وێ گەشتێ دا بتنێ نەبوو، بەلکو برایێ وی مارک بیزۆس، و کاپتنا رۆکێتێن ڤالاهیا ئەسمانی والی فانک یا 82 سالی و قوتابیێ هۆلەندی یێ فیزیایێ ئۆلیڤەر دایمن یێ 18 سالی د وێ گەشتێ دا پشکدار بوون.
رۆکێتا بیزۆزی یا ب ناڤێ نیۆ شیپەرد شیا بگەهیتە بلنداهیا 106 کیلۆمتران و شیا ب گەهشتنێ ب ڤێ دووراتیێ، ژمارا پیڤای یا کۆمپانیا ڤرجن گالاکتیک بشکێنیت کو ئەو شیابوو بگەهیتە بلنداهیا 90 کیلۆمتران.
تُتاح هذه الصورة أيضا في: کوردی