لێكۆلينهك ئێك ژ ئهگهرێن تووشبوونێ ب پهنجهشێرا سيهان ديار دكهت
گاڤ نيوز:
لێكۆلينهكا ساخلهميێ يا نوى ئاماژه دايه ئێك ژ ئهگهرێن تووشبوونێ ب پهنجهشێرا سيهان ل دهف كهسێن جگارهيان نهكێشن.
زانايێن ئينستيتيۆتا فرانسيس كريك و كوليژا لهندهن دياركرينه كێمتر ژ 2.5 ميكرۆن يێن ژ ئهگهرێ پيسبوونا ژينگههێ پهيدا دبن، د هاريكارن بۆ دروستبوونا گوهۆڕينان دناڤ سيهان دا و پهيدابوونا مهترسيا پهنجهشێرێ.
ل گۆرهى فرانس پرێس؛ ژ بهرى نوكه مهترسيێن پيسبوونا ژينگههێ د ئاشكرا بوون لێ ل گۆرهى ڤێ لێكۆلينێ ئهگهرێن پيسبوونا ژينگههێ وهكى دويكێلا گزوزان پهيوهنديهكا ئێكسهر ب تووشبوونێ ب پهنجهشێڕا سيهان ڤه ههيه.
لێكۆلين ل سهر 460 هزار كهسان ژ ئنگلترا، كوريا باشوور و تايوانێ هاتبوو ئهنجامدان و لێكۆلهر گههشتنه وى ئهنجامى كو نههێلانا پيسبوونا سهقاى دێ مرۆڤى ژ دروستبوونا خانهيێن پهنجهشێرا سيهان پارێزيت.
ل گۆرهى رێكخراوا ساخلهميێ يا جيهانى، پتر ژ 90% ژ خهلكێ جيهانێ د وان دهڤهران دا دژين يێن كو پيسبوونا ژينگههێ لێ ههى.
س.س
تُتاح هذه الصورة أيضا في: کوردی