ناسا: كۆنێن مهزن لسهر بانێ رۆژێ هاتینه دیتن
دواڕۆژ
رێكخراوا زانستێن ئاسمانی ل ئهمریكا(ناسا) راگههاند، كۆنهكا مهزن لسهر بانێ رۆژێ هاتییه دیتن، لێ زانا وهسا دیار دكهن كو ڤێ كۆنێ چو مهترسیێن خوه نینه، چونكو رۆژ نه سار دبیت و نه دپهقیت.
ئهڤ كۆنێن مهزن كو ب تاجا رۆژێ یان كورۆنال دهێنه نیاسین، د راستی دا دهڤهرێن كێم چڕاتی یه كو ل سهقایێ رۆژێ دا ههنه و چونكو ئهڤان كۆنان كێم كهرستهیێن رۆژێ تێدا ههنه، لهوا پلا گهرماتییا وان ژ رهخودۆران كێمتره و گهلهك تاریتر ژ رهخودۆرێن خوه دهردكهڤن.
كۆنێن كورۆنال ب رێكا هندهك جۆرێن تایبهتێن تیشكێن سهربنهفشی دا دهێنه دیتن، ئهڤ جۆرێ تیشكان بێی ئامیرێن تایبهت ب چاڤان ناهێنه دیتن و ب تنێ ب رێكا رهنگێ بنهفشی دهێنه دیتن.
ب گۆرهی راپۆرتا هاڤینگتۆن پۆست، ناسایێ راگههاندییه كوكۆنێن كورۆنال كو هندهك جاران بۆ چهند ههفتییان لسهر بانێ رۆێ دمینن، دشێن چارێكا رووبهرێ رۆژێ داگیر بكهن.
كۆنێن كورۆنال ژێدهرێ بایێن توندێن تۆزا رۆژێنه كو جاران ب لهزاتییا سێجاركی ژ بایێن ساده ژ بانێ رۆژێ دهردكهڤن، ئهڤ هڕۆبایێن رۆژێ جاران دبنه ئهگهرێ تێكچۆنا كارێ ههیڤێن دهستكرد و پێلێن رادیۆیی كو ل رهخودۆرێن ئهردی د هاتنوچۆنێ دانه.
تُتاح هذه الصورة أيضا في: کوردی