به‌رپرسێن راگه‌هاندنا تایی و نڤیسینگه‌هێن بنگه‌هێ لالش به‌شداری خۆلهكا سۆشیال میدیایێ بوون
تۆرا لالش
ئیرۆ ل رێكه‌فتی 18/9/2024ێ، ب ئاماده‌بوونا رێزداران سه‌رۆكێ بنگه‌هێ لالش رێزدار سه‌عید جردۆ، و د. كاروان محمد مسته‌فا ژ نڤیسنگه‌ها سه‌ركوه‌زیران رێزدار مه‌سرور بارزانی ل باره‌گایێ بنگه‌هێ لالش- ل كه‌نالێ سه‌ما ل دهۆكێ، خۆلهكا تایبه‌ت ل سه‌ر گرنگییا سۆشیال میدیایێ و سه‌رده‌میكرنا په‌یجێن تایی و نڤیسینگه‌هان هاته پێشكێشكرن، ئه‌ڤ خۆله ژ لایێ دیزاینه‌رێ بنگه‌هێ لالش، جه‌نگیزخان عارفی، هاته ب رێڤه‌برن.
به‌رپرسێن راگه‌هاندنا تایی و نڤیسینگه‌هێن بنگه‌هێ لالش به‌شداری د ڤێ خۆلێ دا كرن، د خۆلێ دا، گه‌له‌ك بابه‌تێن گرنگ هاتنه به‌حسكرن، وه‌ك گرنگییا سۆشیال میدیایێ، چاوانییا پێشڤه‌برن و سه‌رده‌میكرنا په‌یجان، و گرنگییا بكارئینانا تۆرێن جڤاكی یێن جۆدا جۆدا.
هه‌روه‌سا، به‌حسێ به‌رنامێن دیزاینی یێن گرنگ بۆ په‌یجان هاته كرن، ئه‌ڤ زانیارینه دێ بتر هاریكارییا به‌رپرسێن راگه‌هاندنێ كه‌ت كو باشتر خزمه‌تا جڤاكی بكه‌ن ب رێكا تۆرێن جڤاكی.
ئارمانج ژ ڤێ خۆلێ، به‌رپرسێن راگه‌هاندنا تایی و نڤیسینگه‌هان زانیارییێن خۆ نووی بكه‌ن و شیانێن خۆ د وارێ سۆشیال میدیایێ دا پێش بێخن.
به‌رپرسێن تایی و نڤیسیینگه‌هان دانه دیاركرن كو ئه‌ڤ جۆرێن خۆلان گه‌له‌ك د گرنگن بۆ پێشڤه‌برنا راگه‌هاندنا بنگه‌هێ لالش و باشتركرنا په‌یوه‌ندییێن وان دگه‌ل جڤاكی.
بنگه‌هێ لالش گرنگییێ ددنه پێشڤه‌چوونێن ته‌كنۆلۆژی و دخوازن د پلان دایه راگه‌هاندنا خۆ بگه‌هیننه ئاسته‌كێ به‌رز و سه‌رده‌می.
تُتاح هذه الصورة أيضا في: کوردی
