ئيرۆ 21 ساڵ بسه‌ر كاره‌ساتا تیرۆرستی یا 1ێ شوباتا 2004ێ ڕا ده‌رباز دبن، ڤێ تاوانا ھندا مەزن و تیرۆرستی ریسواو شەرمەزارو مەحکوم دکەین و بەژنا خؤ بۆ وان شەھیدێن {ێکا ئازادیێ د چەمینین.
د رۆژا ئێکێ یا جەژنا قوربانێ دا ل دەمەکى خەلکێ هەرێما کوردستانێ مژوولى رێورەسمێن جەژنێ بوون و گەردەنا ئێک و دو ئازا دکر و ب دلخۆشى و بەرقرابوونا ئاشتیێ و رێکخستنا ئیدارەیا هەرێما کوردستانێ، گرۆپەکێ تیرۆرستى دو خۆکوژ ئاراستەیى بنگەهێن بارگەهێ لێ 2 یێ پارتى یا دیمۆکرات یا کوردستانێ و بارگەهێ مەلبەندێ 3 یێ ئێکەتییا نشتیمانى یا کوردستانێ کرن و بوو ئەگەر 103 کەس ژیانا خۆ ژ دەست بدەن و د ناڤا وان دا سەرکردەیێن هەر دو حزبان و هەژمارەکا بەرپرسێن حکومى ژیانا خۆ ژ دەست دان.
ئه‌ڤ كاره‌ساتا تیرۆریستی نیشانا دلره‌شیا دوژمنێن كوردستانێیه، یێن كو نه‌خوازن كوردستان ئارام و ئاڤه‌دان بت، وان دڤیا ناڤمالیا كوردستانی به‌لاڤه بكه‌ن و ئێكرێزیا گه‌لێ مه تێك ببه‌ن،لێ ب ئیراده‌یا خه‌لكێ كوردستانێ و حیكمه‌تا سه‌ركردایه‌تیا سیاسی، پلانێن دوژمنان سه‌رنه‌كه‌فتن. به‌روڤاژی، ئه‌ڤ كاره‌سات بوویه هۆیێ به‌هێزكرنا ئێكرێزیا گه‌لێ كوردستانێ.
ئەو دو پەقین ل دەمەکى بوون کو پرۆسەیا ئاشتیێ د ناڤا ئێکەتی یا نشتیمانى یا کوردستانێ و پارتى یا دیمۆکراتى یا کوردستانێ دا بوون و ب ئۆمێد چاڤەڕێى قۆناغا بهێت دکرن و ب گۆتنا بەرپرسێن بلند یێن هەر دو حزبان ئێک ژ ئەنجامێن وێ دروستکرنا ئاستەنگان بوو بۆ هەر دو ئالییان، بەلێ ئارمانجا وان نەهاتە بجهئینان و خەلکێ کوردستانێ و کادرێن هەر دو حزبان پێکڤە شینى و تازى دانا و بوو یادا شەهیدێن ئێکى شواتێ و بزاڤێن وان شکەستن ئینا.
ل ڤێ هه‌لكه‌فتێ، ئه‌م سه‌رێ رێز و نه‌وازشێ بۆ گیانێ پاكێ شه‌هیدێن 1ێ شوباتێ دچه‌مینین. ئه‌م باوه‌رین كو ئێكگرتن و ئێكده‌نگی یا هێز و لایه‌نێن سیاسی، دێ هه‌رێما كوردستانێ ژ هه‌موو مه‌ترسیان پارێزیت.
ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌ڵايه‌تى/ دهۆك
ئێكى شوباتا 2025ێ
تُتاح هذه الصورة أيضا في: کوردی
