جێگرێ سەرۆکێ پارتی دیموکراتی کوردستان، پیرۆزباهییا هەفتى و دووهەمین سالڤەگەرا دامەزراندنێ ل هەردوو ڕێکخراوێن ئێكه‌تيا قوتابيێن کوردستانێ و ئێكه‌تيا لاوێن دیموکراتا کوردستانێ کر و گۆت: ڕۆلەکێ دیار و کاریگەر د بزاڤا ڕزگاریخوازا کوردستانێ و خەباتا نیشتیمانی و نەتەوەیی یا مە دا هەبوویە.
ده‌قێ په‌یاما مەسرور بارزانی:
د سالڤەگەرا 18ى شوباتێدا، 72 سالییا دامەزراندنا هەردوو ڕێکخراوێن ئێكه‌تییا قوتابییێن کوردستانێ و ئێكه‌تییا لاوێن دیموکراتا کوردستانێ، گەرمترین پیرۆزباهییان ئاراستەی مەکتەبا سکرتارییەتێ و ئەندامێن هەردوو ئێكه‌تییێن قوتابییان و لاوێن دیموکراتا کوردستانێ كر و هیڤییا پێشکەڤتنێ بۆ وان دخوازم.
ئێكه‌تییا قوتابییێن کوردستانێ و ئێكه‌تییا لاوێن دیموکراتا کوردستانێ، دیرۆکەکا گەش د خەباتا ڕێکخراوەی و خزمەتکرنا قوتابى و لاوان و بەرگریکرن ژ ماف و داخوازیێن وان و پەرەپێدانا شیانێن واندا هەبوویە، هەروەسا ڕۆلەکێ دیار و کاریگەر د بزاڤا ڕزگاریخوازا کوردستانێ و خەباتا نیشتمانی و نەتەوەیێ مە دا و داکۆکیکرن ژ مافێن خەلکێ کوردستانێ و دەستکەڤتێن نیشتمانی گێرایە.
ئێكه‌تییا قوتابییێن کوردستانێ و ئێكه‌تییا لاوێن دیموکراتا کوردستانێ، قوتابخانەکا دەولەمەند و مفابەخش یا پێگەهاندنا دەهان سەرکردێن ب شیان و ژێهاتی یێن کوردستانێ بوون و ب شانازیڤە، ئەز ژی ئەندام و کادرێ قوتابییان و لاوان بووم.
نوکەژی کو ئەڤ هەردوو ڕێکخراوێن تێکۆشەر، بزاڤێن خۆ چڕ کرینە و ئامادەکاریێن خۆ تەمامکرینە بۆ ئێكگرتنێ، هیڤیدارم د کار و تێکۆشانا خۆ دا د پێخەمەت پێشئێخستنا خەباتا ڕێکخراوەی ب شێوەیەکێ پێشکەڤتیتر کو د ئاستێ پێشکەڤتنێن ڤی سەردەمیدا بیت بەردەوام بن و هەردەم د بەرەڤپێشچوون و پێشەنگبوون و نویبوون و داهێناندا بن و ب باشترین و پێشکەڤتیترین شێوە، خزمەتا نڤشێ نوو و قوتابییان و لاوێن کوردستانێ بکەن، د ڤى ده‌میدا هەموو پشتەڤانییا خۆ بۆ وان دووپات دكه‌ین.
سالڤه‌گه‌را 18 شوباتێ پیرۆز بت و هەر سەرکەڤتی بن.
مەسرور بارزانی
جێگرێ سه‌رۆكێ پارتى ديموكراتى كوردستان
18-02-2025
تُتاح هذه الصورة أيضا في: کوردی
