بنگههێ لالش تايێ خانكێ قوتابيێن سهركهفتى خهلاتكرن
تۆڕا لالش
ل رێكهفتى 8-7-2024ێ، ل ژێر چاڤدێرييا د.نهوزاد عهبدلله بهرپرسێ لقا ئێك يا پارتى ديموكراتى كوردستان و ب ئامادهبوونا سهعيد جردۆ سهرۆكێ دهستهيا بلندا بنگههێ لالش و يوسف سهبرى نوونهرێ لقا ئێك و زهردهشت شێخ شامۆ رێڤهبهرێ ناوچهدارييا خانكێ و حهسهن چهلهبى رێڤهبهرێ پهروهردا سێمێلێ و سهردار عهلى بهرپرسێ ناوچا دۆبان يا پارتى و مامۆستا و سهميانێن قوتابييان بنگههێ لالش تايێ خانكێ 150 قوتابيێن سهركهفتيێن ئێكێ و دووێ و سيێ ل سهر ئاستێ قوتابخانێن سنوورێ خانكێ خهلات كرن.
ل دهستپێكێ ئامادهبوويى خۆلەكەكێ بۆ گيانێ پاكێ شههيدان و سهروهرێ وان بارزانيێ نهمر سهكنين، ل دووڤدا پەيڤا بخێر هاتنێ ژئاليێ سەرۆکێ بنگەهێ لالش تايێ خانكێ عەنتەر کەلۆ ڤە هاته پێشکێش کرن و پاشى ههر ئێك ژ یوسف سەبری و زەردەشت شێخ شامۆ و ماموستا حەسەن چەلەبی پەيڤێن خۆ پێشكێش كرن و پیرۆزباهی ل ههموو قوتابیێن سەرکەفتی کرن، و ل دووڤدا خەلاتێ رێزلێنانێ ل سەر قوتابيێن سەرکەفتیێن ئێكێ و دووێ و سێيێ و ماموستایێن خانەنشین هاتنە پارڤەكرن.
تُتاح هذه الصورة أيضا في: کوردی