مەیان خاتوون هه‌ڤژینا میرێ ئێزدییان قەڵغانێ ڕێزلێنانێ پێشکێشی بنگەهێ لالش تایێ باعەدرێ کر

ددەمێ سەرەدانێ دا ئەمیرە مەیان دەستخۆشی ل بنگەهێ لالش تایێ باعەدرێ هەمبەر ڕۆل و کەدا بنگەهی دا دخزمەتا دەڤەرێ دا و و خورتکرنا بزاڤا رەوشەنبیری بلند نرخاند ، هەروەها رۆناهی ئێخستە سەر رەوشا گشتی یا ئێزدیان و قۆناغا ئێزدی تێدا دەربازدبن و خزمەتا جڤاکا ئێزدیان، تەوەرەکی دیتر دا رۆناهی ئێخستە سەر هندەک پرس و بابەتێن گرێدایی دەڤەرێ و تەکەز سەر یەک ڕێزی و تەبایێ و بەرژوەندییا گشتی کر، ئەڤە و چەندین پرسێن دیتر بۆ ئامادەبوویان تەڤلی ئاخفتنێن خۆ کرن.

ژلایێ خۆڤە بەرپرسێ بنگەهی وەکالەت بناڤێ دەستەیا کارگێڕی یا بنگەهێ لالش باعەدرێ سۆپاسی و خۆشحالی دەربڕی بۆ ڤێ سەرەدانێ و کورتیەک ل دۆر بنگەهێ لالش تایێ باعەدرێ و کار و چالاکیێن دهێنە ئەنجامدان و رەوشا بنگەهێ لالش باعەدرێ بەحسکر.

پاشان چەند پرس و بابەتێن بالکێش و گرنگ دناڤبەرا ئەمیرە مەیان خیری بەگ و بەڕێزێن ئامادەبووی ڤە هاتنە گەنگەشەکرن پێخەمەت خزمەتا گشتی.

ل داویێ هەمبەر رۆلێ بنگەهێ لالش تایێ باعەدرێ قەڵغانێ ڕێزلێنانێ یێ میرێ ئێزدیان پێشکێشی بنگەهێ لالش تایێ باعەدرێ کر، هەروەها سێ دانە ژ پەرتۆکێن خۆ پێشکێشی پەرتۆکخانا بنگەهی کرن.