تۆرا لالش
ل رێكهفتی 11/10/2024ێ، ب ئامادهبوونا سهعید جردۆ سهرۆكێ دهستهیا بلندا بنگەهێ لالش تایێ شاریا و تاكه بهربژارا كوردا ئێزدی وشیان خدیدا اومو و كهسایهتیێن میری و حكومی و حزبی و سهمیانێن قوتابییان و خهلكێ دهڤهرێ، بنگههێ لالش تایێ شاریا ب هەڤکاری دگەل لژنا ناوچا فەیدیێ قوتابیێن سهركهفتیێن ئێكێ و دووێ و سیێ خهلاتكرن.
تێ زانین 119 قوتابیێن سەرکەفتی یێن پۆلا چارێ بنەرەت هەتا دووازدێ ئامادەیی یێن کو پلێن ئێکێ، دووێ و سێیێ ل سەر ئاستێ قوتابخانەیێن کۆمەلگەها شاریا بدەست ئینایی هاتنه خەلاتکرن و خهلاتێ رێزلێنانێ پێشكێشی وان هاتهكرن.
بەرپرسێ بنگەهێ لالش تایێ شاریا دلگەش سلیم، بخێرهاتنا ئامادەبوویان کر پاشی بەرپرسێ دەستەیا بلندا بنگەهێ لالش سعید جردۆ و بەرپرسێ لژنا ناوچا فەیدیێ مصطفی عمر پەیڤێن خۆ پێشکێش کرن.
ل داویا ئاهەنگێ، خەلات ل سەر قوتابیێن سەرکەفتی هاتنە دابەشکرن و ژ بهر ڤان دهستكهفتان بنگەهێ لالش تایێ شاریا سوپاسیا هەموو مامۆستا و رێڤەبەرێن قوتابخانەیێن شاریا کر.
ئەڤ چالاکیە وەک نەریتەکی سالانە ژ لایێ بنگەهێ لالش تایێ شاریا ڤە تێتە ئەنجامدان، ب ئارمانجا پشتەڤانیکرنا ئاستێ زانستی یێ قوتابیان و پەرەپێدانا کەرتێ پەروەردێ.
تُتاح هذه الصورة أيضا في: کوردی