تۆرا لالش
ل رێكهفتی 11/2/2025ێ، ههردوو تایێن بنگههێ لالش شنگال و سنوونێ، سەرەدانا بارەگایێ لقا (١٧) یێ پارتی دیموکراتی کوردستان کرن و هاتنە پێشوازیکرن ژلایێ نازم ههركی بهرپرسێ لقێ و هەموو کارگێرێن لقێ ڤه.
پشتی بهرپرسێ لقا 17 پهیڤا ب خێرهاتنێ پێشكێشكری، شاندێ بنگەهێ لالش ب هەلکەفتا سەرکەفتنا ههلبژارتنێن کۆنفرانسێن لقێ و ناوچا و رێکخراوێن ب سەر ڤە پیرۆزباهی ل وی و ههموو کارگێرێن لقێ كرن.
هەروەسا لقا ناڤبری ب فهرمی هاتنه داخوازكرن ژلایێ بنگەهێ لالش ڤە بۆ ڤیستەڤالا لالش یا سالانه كو ل رێكهفتی 15/2/2025ێ ل هۆلا كۆنفرانسان ل زانكۆیا دهۆكێ ب چهندین برگهیێن ههمهجۆر ل ژێر ناڤونیشانێ (كلتوورێ مه سهرهكانیا رهسهنایهتیا مهیه) دێ گێران.
ههردیسان ل دووڤدا ههر وی شاندێ بنگههێ لالش ب مەرهما پێشکێشکرنا پیرۆزباهیان بۆ (٩) نەهـ ستافێن لیژنێن ناوچێن ب سەر لقا ١٧ یا پارتی ب هەلکەفتا سەرکەفتنا وان د ههلبژارتنێن کۆنفرانسان جودا جودا سهرهدانا وان كرن و پیرۆزباهییا سهركهفتنێ ل وان كرن، و ئهوژی ژ بۆ ڤیستهڤالا لالش هاتنه داخوازكرن.
ههر دناڤ سهرهدانێ دا بنگههێ لالش و لق و ناوچان ل سهر چهندین بابهتێن گرێدایی ب دهڤهرێ ڤه ب تایبهت رهوشا شنگال و ئاواران بهحسكرن.
تُتاح هذه الصورة أيضا في: کوردی